जळगाव लाईव्ह न्यूज । ९ डिसेंबर २०२१ । चाळीसगाव येथे एका अल्पवयीन मुलाने गळफास घेऊन आत्महत्या केल्याची धक्कादायक घटना ८ रोजी घडली. याप्रकरणी पोलिसात अकस्मात मृत्यूची नोंद करण्यात आली आहे.
सविस्तर असे की, चाळीसगाव शहरातील हरगीरबाबा नगर येथील लक्ष्मण संजय पवार (वय-१६) या अल्पवयीन मुलाने गळफास घेऊन आत्महत्या केल्याची थरारक घटना ८ रोजी २:३० वाजेच्या सुमारास घडली. या घटनेने परिसरात एकच खळबळ उडाली आहे. सदर घटनेची माहिती मिळताच शहर पोलिसांनी घटनास्थळी धाव घेऊन पाहणी केली. व पंचणामा करण्यात आले आहे. दरम्यान मयताचे कारण अद्याप स्पष्ट झालेले नसून वैद्यकीय अधिकारी यांच्या खबरीवरून चाळीसगाव शहर पोलिस स्थानकात अकस्मात मृत्यूची नोंद करण्यात आली आहे. पोलिस निरीक्षक के. के. पाटील यांच्या निर्देशानुसार पुढील तपास सपोनि दिपक बिरारी हे करीत आहेत.
