सावदा येथे कोरोना प्रतिबंधक लसीकरणास सुरवात

जळगाव लाईव्ह न्यूज । १५ मार्च २०२१ । सावदा परिसरातील असलेल्या ग्रामीण रुग्णालयात सर्वत्र कोरोना प्रतिबंधक लसीकरणास सुरवात झाली आहे.

सावदा शहरात कार्यरत असलेल्या ग्रामीण रुग्णालयात लसीकरण सुरू व्हावे अशी अपेक्षा नागरिक व्यक्त करीत होते. हीच मागणी लक्षात घेता सावदा येथील ग्रामीण रुग्णालयात दि 15 पासून व्हेकसिनेशन सुरू करण्यात आल्याची माहिती येथील वैद्यकीय अधिकारी डॉ. प्रसाद पाटील यांनी बोलतांना दिली यात फ्रंटलाईन वर्कर, जेष्ठ नागरिक, 45 वर्षावरील गंभीर आजार असलेले आदींना येथे लस देण्यात येत आहे, यावेळी परीचारका एच पी भांगाळे, अधीपरिचारिका सी एम कोल्हे, एस, एम, धनगर, एस,आर पाल आदींनी नागरिकांचे लसीकरण केले दरम्यान पहिल्याच दिवशी सुमारे 28 जणांनी दुपारी 2 वाजे पर्यंत लस घेतली.

तर येथील ग्रामीण रुग्णालयात कोरोना चाचणी देखील दररोज होत असून दि 15 रोजी 50 जणांचे टेस्टिंग झाल्या यात 5 जण पीजेटीव्ह आले रुग्णांना रावेर येथे कोविड सेंटरला पाठविण्यात येत आहे.

दरम्यान पहिल्या दिवशी माजी नगराध्यक्षा ताराबाई गजाननराव वानखेडे यांनी देखील लस घेतली लस घेतल्यावर सदर लस पूर्णपणे सुरक्षित असून शहरातील सर्व जेष्ठ नागरिकांनी ही लस घ्यावी असे आवाहन देखील त्यांनी यावेळी केले.