जळगाव लाईव्ह न्यूज । नॅक क्रायटेरिया-६ अंतर्गत आरोग्य विम्याची आवश्यकता आणि आरोग्य विम्यात घ्यावयाची काळजी या विषयावर एक दिवसीय प्राध्यापक विकास संवाद कार्यक्रम डॉ. अक्षता पाटील हॉलमध्ये संपन्न झाला.
या सत्रात युवराज महाजन (सल्लागार, एम बी ए मार्केटिंग) आणि हितेश पवार (विक्री व्यवस्थापक) यांनी केले. त्यांनी आरोग्य विम्याचे महत्त्व, विविध प्रकार, कव्हरेजचे फायदे, दावे कसे करावेत तसेच आरोग्य विमा पॉलिसी निवडताना आणि ती हाताळताना कोणती काळजी घ्यावी याबाबत सविस्तर मार्गदर्शन केले. कार्यक्रमा दरम्यान प्राध्यापकांनी विमा पॉलिसीशी संबंधित विविध प्रश्न विचारले आणि माहितीपूर्ण चर्चेत भाग घेतला.
उपस्थितांना आरोग्यसेवेतील आर्थिक धोके ओळखणे, योग्य आरोग्य विमा निवडणे आणि विमा प्रक्रियेत आवश्यक तपशील समजून घेणे यावर व्यावहारिक ज्ञान मिळाले. हे सत्र परस्परसंवादी व माहितीपूर्ण ठरले, ज्यामुळे सहभागी प्राध्यापकांना आरोग्य विमा निवड आणि व्यवस्थापन याबद्दल अधिक स्पष्टता मिळाली.हि कार्यक्रम नॅकच्या गुणात्मक तत्त्वांनुसार शिक्षण संस्था सदस्यांच्या कौशल्य व जाण वाढविण्यासाठी आयोजित करण्यात आली होती, ज्यामुळे संस्थेतील आर्थिक कल्याण आणि वाढत्या आरोग्यखर्चाच्या काळात योग्य आरोग्य विमा निर्णय घेण्यास मदत होईल असा विश्वास व्यक्त करण्यात आला.
