जळगाव लाईव्ह न्यूज । चाळीसगाव तालुक्यातील पिलखोडजवळ दोन कारची समोरसमोर धडक होऊन भीषण अपघात झाला. यात मालेगावच्या दोघांचा जागीच मृत्यू झाला. इतर दोघे गंभीर जखमी झाले आहेत.
कुसुंबा रोड भागात राहणारे अब्दुल कुडूस मोहंमद इस्माइल हे कारने इतर तिघांसह छत्रपती संभाजीनगर येथे विवाहासाठी जात होते. पिलखोडपासून दोन किलोमीटर अंतरावर समोरुन वेगात आलेल्या कारने त्यांच्या कारला धडक दिली. यात अब्दुल कुडूस व अतीक अहमद अब्दुल खालिक यांचा जागीच मृत्यू झाला. चालक फरान व अल्ताफ अनाजवाला हे दोघे जखमी झाले.
अपघाताची माहिती मिळताच कुटुंबीयांनी घटनास्थळी धाव घेतली. दोघांचे मृतदेह मालेगाव सामान्य रुग्णालयात आणण्यात आले. दोघा जखमींवर खासगी रुग्णालयात उपचार सुरू आहे. कारमधील काही जण जखमी असून त्यांच्यावर चाळीसगावला उपचार सुरू आहे.
