जळगाव लाईव्ह न्यूज । २८ मार्च २०२५ । जळगाव जिल्ह्यातील १० शिक्षण संस्थांमध्ये शिक्षकांची बोगस भरती करण्यात आल्याचा धक्कादायक प्रकार उघडकीस आले आहे. ४९ शिक्षकांना शालार्थ आयडी देऊन दरमहा ५० हजार रुपये वेतन शासन तिजोरीतून देण्यात आले.
या घोटाळ्याचा पर्दाफाश झाल्यानंतर याप्रकरणी दीड लाख रुपये वेतन असलेल्या नाशिक शिक्षण उपसंचालक कार्यालयातील लेखाधिकारी उदय पंचभाई व जळगाव माध्यमिक वेतन पथकाचा अधीक्षक राजमोहन शर्मा यांच्यावर गुरुवारी नाशिकरोड पोलिस ठाण्यात गुन्हा दाखल करण्यात आला.
रामकृष्ण अभिमन पाटील यांनी या बोगस शिक्षकांच्या बाबतीत तक्रार केली होती, त्यानंतर शिक्षण आयुक्तांनी या प्रकरणाची चौकशी करण्याचे आदेश दिले होते. चौकशीनंतर तक्रारीत दिलेल्या माहितीला सत्यता आढळली आणि गुन्हा दाखल करण्यात आला.
पदाधिकारी, मुख्याध्यापक यांच्यासोबत संगनमत करून ही फसवणूक करण्यात आल्याचे प्राथमिक तक्रारीत म्हटले आहे. लेखाधिकारी उदय पंचभाई व राजमोहन शर्मा या दोघांनी पदाधिकारी आणि मुख्याध्यापक यांच्यासोबत संगनमत करून शिक्षकांची बोगस भरती केली आणि त्यांच्या नावावर शासनाकडून वेतन मंजूर करून घेतले असे प्राथमिक तक्रारीत म्हटले आहे. या प्रकारावरुन शिक्षण क्षेत्रातील एक मोठी फसवणूक समोर आली आहे.या घोटाळ्यामुळे शिक्षण क्षेत्रातील पारदर्शकतेवर प्रश्नचिन्ह निर्माण झाला आहे.
या प्रकरणात दोषींवर कडक कारवाई होईल, अशी आशा व्यक्त केली जात आहे. शिक्षणाच्या क्षेत्रात अशी फसवणूक होणे हा अत्यंत गंभीर प्रकार असून, यामुळे शिक्षण व्यवस्थेतील असंख्य समस्यांवर उघडकीस आले आहेत. हे प्रकरण शिक्षण क्षेत्रातील जबाबदार लोकांसाठी एक इशारा ठरू शकते, ज्यामुळे भविष्यात अशा प्रकारच्या घटनांवर कडक नियंत्रण ठेवण्याची गरज आहे.
