जळगाव लाईव्ह न्यूज । १९ मे २०२१ । महात्मा फुले हायस्कूल एरंडोल येथे युवक काँग्रेसचे माजी राष्ट्रीय अध्यक्ष खासदार स्व.राजीव सातव यांचे नुकतेच अल्पशा आजाराने निधन झाल्याने त्यांना भावपूर्ण श्रद्धांजली वाहण्यात आली.
सदर प्रसंगी माजी नगराध्यक्ष देविदास महाजन शालेय समितीचे चेअरमन अरुणकुमार माळी सावता माळी शिक्षण प्रसारक मंडळाचे अध्यक्ष विजय महाजन यांनी स्व.राजीव सातव यांच्या सामाजिक ,राजकीय, कार्याला उजाळा दिला. या प्रसंगी मान्यवरांनी स्व.खासदार राजीव सातव हे तळागळातील लोकांसाठी काम करणारे व महाराष्ट्रातील एक अभ्यासू ,उमदे नेतृत्व होते अल्पावधीत त्यांनी आपल्या कार्याने उतुंग यश संपादन केले होते अशा भावना या प्रसंगी मान्यवरांनी व्यक्त केल्या.
सदर श्रध्दांजली पर कार्यक्रमास शिवसेनेचे जेष्ठ नेते रमेश महाजन,सावता माळी शिक्षण प्रसारक मंडळाचे संचालक मनोहर महाजन,सुदर्शन महाजन,सामाजिक कार्यकर्ते सागर महाजन,महात्मा फुले हायस्कूल चे मुख्याध्यापक विनोद जाधव ,काँग्रेसचे शहाराध्यक्ष संजय भदाणे, संजय कलाल,काँग्रेसचे पदाधिकारी व कार्यकर्ते उपस्थित होते.सदर श्रध्दांजली पर कार्यक्रमाचे प्रास्ताविक दिनेश चव्हाण यांनी केले कार्यक्रमा च्या शेवटी स्व.खासदार राजीव सातव यांना सामुहिक श्रध्दांजली वाहण्यात आली.
