जळगाव लाईव्ह न्यूज । ५ एप्रिल २०२१ । एरंडोल येथील खाजगी कोविड केअर सेंटर व मेडिकल स्टोअरची प्रांताधिकारी विनय गोसावी व तालुका वैद्यकीय अधिकारी डॉ.फिरोज शेख यांनी अचानक भेट देऊन तपासणी केली.
यावेळी प्रत्यक्ष कोविड केअर सेंटर मध्ये जाऊन रुग्णांना प्रत्यक्ष भेटुन त्यांना काही समस्या आहेत का ? त्यांना बिल व मिळणारे औषध,इंजेक्शन यांच्या बाबत माहिती घेतली.तसेच या दोघ अधिकाऱ्यांच्या अचानक भेटी मुळे रुग्णांमध्ये समाधान व्यक्त होत आहे.यावेळी शहरातील कल्पना हॉस्पिटल,अष्टविनायक कोविड केअर सेंटर,सुयश हॉस्पिटल अशा ३ खाजगी कोविड केअर सेंटर व २ मेडिकल स्टोअर ची तपासणी दोघं अधिकाऱ्यांनी केली.
याप्रसंगी अधिकाऱ्यांना वरील कोविड केअर सेंटर व मेडिकल स्टोअर मध्ये रुग्णांचे चांगल्या प्रकारे व योग्य मोबदला घेऊन इलाज होत असल्याचे आढळुन आले.तसेच मेडिकल स्टोअर मध्ये सुद्धा योग्य मोबदला घेऊन औषधी दिल्या जात असल्याचे दिसुन आले.दरम्यान तालुक्यातील या अचानक तपासणी दौऱ्याने प्रांताधिकारी विनय गोसावी व तालुका वैद्यकीय अधिकारी डॉ.फिरोज शेख यांचे कौतुक होत आहे.
