जळगाव लाईव्ह न्यूज । ७ मार्च २०२१ । जिल्ह्यात नियंत्रणात आलेल्या कोरोनाने पुन्हा डोख वर काढले असून दिवसेंदिवस रुग्ण संख्या मोठ्या प्रमाणात आढळून येत आहे. दरम्यान, एरंडोल तालुक्यातील कोरोनाचा वाढता प्रादुर्भाव रोखण्यासाठी एरंडोल येथे कोविड केअर सेंटर तात्काळ सुरू करावे अशी सुचना आमदार चिमणराव पाटील यांनी दिली. ६मार्च २०२१ रोजी नगरपालिकेच्या सभागृहात घेतलेल्या बैठकीत केली.
यावेळी प्रांताधिकारी विनय गोसावी,नायब तहसिलदार एस.पी.शिरसाठ,मुख्याधिकारी किरण देशमुख, पोलिस निरीक्षक द्न्यानेश्वर जाधव,तालुका वैद्यकीय अधिकारी डॉ.फिरोज शेख, डाॕ.कैलास पाटील,जि.प.सदस्य नानाभाऊ महाजन, तालुकाप्रमुख वासुदेव पाटील,पंचायत समिती उपसभापती अनिलभाऊ महाजन, नगरपरिषदेचे उपनगराध्यक्ष अभिजित पाटील, नगरसेवक चिंतामण पाटील,कुणाल महाजन,योगेश महाजन तसेच राजुभाऊ ठाकुर,जग्गुदादा ठाकुर,कुणाल पाटील,परेशभाऊ बिर्ला,व्यापारी बांधव,शहरातील नागरीक व पत्रकार आदी. उपस्थित होते.
दर बुधवारी एरंडोल शहरात कडकडीत बंद पाळण्यात यावा,नियमांचे उल्लंघन करणार्यांवर कडक कारवाई करण्यात येईल असे यावेळी सांगण्यात आले. तसेच सर्व नागरीकांनी कोरोना रोखण्याच्या लढ्यात सक्रीय योगदान द्यावे असे आवाहन करण्यात आले.
