जळगाव लाईव्ह न्यूज । १४ मे २०२१ । सावदा येथील ताप्ती सातपुडा जर्नालिस्ट फाउंडेशन चे प्रयत्नातून व यशस्वी उद्योजक श्रीराम पाटील यांच्यातर्फे व यशस्वी उद्योजक हाजी बाबु शेठ यांच्या सहकार्याने येथील तृतीय पंथी समुदायाला २००० लिटर क्षमतेची पाण्याची टाकी भेट देण्यात आली.ती नुकतीच त्यांना सुपूर्द करण्यात आली.
कोरोना लॉक डाऊन मुळे तृतीय पंथी समुदायाचे भिक्षा मागणे बंद असल्याने तृतीय पंथी (हिजडा) अनेक अडचणींना सामोरे जात आहे.सध्या उन्हाळ्याचे दिवस आहे.त्यांना पाण्याच्या टाकीची खूप गरज भासत असल्याचे तृतीय पंथी शामिभा यांनी ही बाब ताप्ती सातपुडा जर्नीलिस्ट फाउंडेशन कडे बोलून दाखविली.त्याचा विचार करून संस्थेने उद्योजक श्रीराम पाटील याना विनंती केली असता त्यांनी ही टाकी उपलब्ध करून दिली.तर ती आणून देणे आदी.साठी उद्योजक बाबु शेठ यांनी पण सहकार्य केले आहे.या दोघ उद्योजकांनी मोलाची मदत केल्याबद्दल आभारी आहोत.
यावेळी बोलताना तृतीय पंथी शामिभा गुरू आरती जान म्हणाल्या आमच्या कुटुंबात ८ जण आहोत. पण कोरोना मुळे भिक्षा मागणे बंद आहे.आमच्या परिवाराला पाणी साठवण्यासाठी टाकी नसल्याने खूप मोठी गैरसोय होत होती.ही बाब आम्ही ताप्ति सातपुडा संस्थे कडे व्यक्त केली तर त्यांनी लागलीच प्रयत्न करून टाकी उपलब्ध करून दिली.आणि यासाठी उद्योजक श्रीराम पाटील,हाजी बाबु शेठ यांनीही सहकार्य केले.याबद्दल आम्ही तृतीय पंथी आभारी आहोत.
यावेळी ताप्ती सातपुडा फाउंडेशनचे अध्यक्ष श्यामकांत पाटील,उपाध्यक्ष प्रवीण पाटील, सरचिटणीस आत्माराम तायडे, कार्याध्यक्ष पंकज पाटील, राजू दिपके, साजिद शेख,लाला कोष्टी, राजेंद्र भारंबे , रवींद्र हिवरकर, पिटू कुलकर्णी रोशन वाघुळदे, राजेश पाटील, मिलिंद टोके,भारत हिवरे,मिलिंद कोरेे,.कमलाकर पाटील, अज्जू शेख विक्की भिडे, सिद्धेश तायडे, आदि. उपस्थित होते.
