जळगाव लाईव्ह न्यूज । १७ मार्च २०२२ । भरधाव वेगाने जात असलेल्‍या वाळूच्या ट्रकने दुचाकीस्वाराला चिरडल्याची घटना अमळनेर शहरात आज दुपारी घडली. बापू लोंढू पाटील (वय ४९,रा.ताडेपुरा, अमळनेर) असे मृताचे नाव आहे.
काय आहे नेमकी घटना?
अमळनेर (Amalner) शहरातून पारोळ्याकडे जाणाऱ्या वाळूच्या ट्रकने चिरडल्याने दुचाकीस्वार जागीच ठार झाला. सदर अपघात (Accident) पैलाडजवळील पारोळा रस्त्यावर झाला असून बापू लोंढू पाटील (वय ४९,रा.ताडेपुरा, अमळनेर) असे मृताचे नाव आहे.
बापू पाटील हे दुचाकीने जात असताना मागून वाळूने भरलेला ट्रक (क्र.एमएच.२१-एक्स.८१२८) या ट्रकने दुचाकीला मागून धडक दिली. यात बापू पाटील यांचा जागीच (Accident Death) मृत्यू झाला. तर ट्रकचा ड्रायव्हर घटना स्थळावरून फरार झाला. या संदर्भात अमळनेर पोलिसांनी घटनास्थळी येऊन पंचनामा केला असून पोलीस स्थानकात गुन्हा नोंदविण्यात आला आहे.
