जळगाव लाईव्ह न्यूज । १८ मार्च २०२१ । चाळीसगाव शहरातील मेहतर कॉलणी घराबाहेर असलेल्या कुलरचा शॉक लागून दोन चिमुकल्यांचा दुदैवी मृत्यू झाल्याची घटना आज दुपारी १२.३० वाजेच्या दरम्यान घडलीय.
राणू विकी गोयल (वय- ३ वर्ष) व रोहन राकेश गोयल (वय- ३ वर्ष) असे मृत चिमुकल्यांचे नावे आहेत. दरम्यान, या घटनेने परिसरात खळबळ उडाली आहे.
---Advertisement---
राणू आणि रोहन हे दोघेही घरासमोर खेळत होते. या दरम्यान, कुलर बाहेर चालू असताना अचानक कुलरचा शॉक बसला व त्यातच दोघांचा दुदैवी मृत्यू झाला. हि घटना दुपारी १२.३० च्या सुमारास घडली असून परिसरात एकच खळबळ उडाली आहे. परिस्थिती हलाखीची असल्याने वडील विकी गोयल व राकेश गोयल दोघेही खासगी दवाखान्यात साफसफाईचे काम करून आपल्या कुटुंबाची उदरनिर्वाह करीत असतात. मात्र हे अपघात घडल्याने दोघांवर डोंगरच कोसळला आहे.
