जळगाव लाईव्ह न्यूज । २१ जून २०२३ । कोरोना महामारीने सर्वांचे कंबरडी मोडून ठेवली आहे. याकाळात अनेक वस्तू महागल्या. मात्र सध्या परिस्थिती पूर्वपदावर आली असून यामुळे महागातून काही दिलासा मिळताना दिसत आहे. अशातच तुम्हीही सध्या टीव्ही किंवा मोबाईल,लॅपटॉप घेण्याचा विचार करत असाल तर ही बातमी तुम्हाला आनंद देईल. होय, लवकरच या वस्तूंच्या किमतीत मोठी कपात होणार आहे.
कोविड महामारीच्या वेळी वाहतुकीशी संबंधित निर्बंधांमुळे कच्च्या मालाची कमतरता होती. त्यामुळे कंपन्यांना उत्पादनांच्या किमती वाढवाव्या लागल्या. मात्र आता चीनमधील कारखाने पुन्हा सुरू झाल्यापासून आणि निर्बंध हटवल्यानंतर किमतीत मोठी घसरण झाली आहे.
इंग्रजी वृत्तपत्र इकॉनॉमिक टाईम्सच्या वृत्तानुसार, चीनमधून भारतात येणाऱ्या कंटेनरच्या वाहतूक खर्चात मोठी कपात करण्यात आली आहे. कोविडच्या वेळी, जे कंटेनर सुमारे 8000 डॉलर्समध्ये उपलब्ध होते, ते आता केवळ 850-1000 डॉलर्समध्ये उपलब्ध आहेत. दुसरीकडे, कोविडच्या काळात सेमीकंडक्टर चिप्सच्या किमतीही गगनाला भिडल्या होत्या, आता त्यांच्या किमतीही ९० टक्क्यांनी खाली आल्या आहेत. याशिवाय मोबाईल, लॅपटॉपमध्ये वापरल्या जाणाऱ्या इतर इलेक्ट्रॉनिक वस्तूंच्या किमतीही ६० ते ८० टक्क्यांनी कमी झाल्या आहेत.
सणासुदीच्या आसपास कंपन्या दरात कपात करू शकतात, असे मानले जात आहे.2021-2022 मधील 16,400 रुपयांच्या तुलनेत 2022-23 मध्ये सरासरी विक्री किंमत सुमारे 11,500 रुपयांपर्यंत खाली आली आहे कच्च्या मालात घट झाल्याचा फायदा मोबाईल व्यतिरिक्त इतर गॅझेटमध्येही मिळू शकतो. लॅपटॉपच्या किमतीत घट येथे दिसून येते. याशिवाय, या सणासुदीच्या मोसमात तुम्हाला स्मार्ट टीव्हीवर मोठ्या डील्स आणि ऑफर्स देखील मिळू शकतात. मोठ्या उपकरणांव्यतिरिक्त, स्मार्टवॉच, इअरबड्स आणि इतर उपकरणे देखील यावेळी मोठ्या किमतीत मिळू शकतात.
