⁠ 
गुरूवार, मे 23, 2024

तुमच्या कामाची बातमी! उद्या 1 मे पासून या नियमात होणार मोठा बदल, घ्या जाणून..

जळगावातील बातम्यांसाठी ग्रुप जॉईन करा
WhatsApp Group Join Now
Google News Join Now

जळगाव लाईव्ह न्यूज । ३० एप्रिल २०२४ । प्रत्येक वेळी नवीन महिन्याच्या सुरूवातीस अनेक बदल होत असतात. यातील काही बदल थेट तुमच्या खिशावर परिणाम करणारे असतात. आता उद्या म्हणजचे १ मे असल्यामुळे दरवेळेप्रमाणे या वेळीही अनेक मोठे बदल होणार आहेत. या वेळीही एलपीजी, सीएनजी आणि पीएनजीच्या दरांमध्ये सुधारणा अपेक्षित आहे. याशिवाय या महिन्याच्या सुरुवातीपासून काही बँकिंग नियमांमध्ये बदल होणार आहेत. पुढील महिन्यापासून कोणते नियम बदलणार आहेत ते जाणून घेऊया..

एलपीजी सिलिंडर
दर महिन्याच्या पहिल्या दिवशी तेल कंपन्या एलपीजी सिलिंडरच्या किमतीत बदल करतात. घरगुती आणि व्यावसायिक सिलिंडरचे दर कंपन्यांकडून सुधारित केले जातात. याशिवाय पीएनजी, सीएनजी आणि एटीएफच्या किमतीही कंपन्या बदलतात.

एचडीएफसी बँकेने विशेषत ज्येष्ठ नागरिकांसाठी तयार केलेल्या विशेष एफडी योजनेत (एफडी) गुंतवणूक करण्याची अंतिम तारीख वाढवली आहे. ही योजना मे 2020 मध्ये सुरू झाली. या अंतर्गत ज्येष्ठ नागरिकांना अधिक व्याज मिळते. आता तुम्ही यामध्ये 10 मे 2024 पर्यंत गुंतवणूक करू शकता.

ICICI बँकेने बचत खात्यावरील शुल्क बदलले आहे. नवे शुल्क १ मे पासून लागू होणार आहे. डेबिट कार्डवरील वार्षिक शुल्क 200 रुपये करण्यात आल्याची माहितीही बँकेकडून देण्यात आली. मात्र, ग्रामीण भागात हे शुल्क 99 रुपये असेल. 1 मे पासून 25 पानांची चेकबुक देण्यासाठी कोणतेही शुल्क आकारले जाणार नाही. यानंतर ग्राहकाला प्रत्येक पानासाठी ४ रुपये द्यावे लागतील. IMPS व्यवहारांसाठी व्यवहार शुल्क 2.50 ते 15 रुपयांपर्यंत असेल.

येस बँकेने 1 मे 2024 पासून बचत खात्यांवरील किमान सरासरी शिल्लक शुल्क देखील बदलले आहे. बचत खात्याचा प्रो मॅक्स MAB 50,000 रुपये असेल, कमाल शुल्क 1,000 रुपये असेल. याशिवाय, सेव्हिंग अकाउंट प्रो प्लस, येस एसेन्स एसए आणि येस रिस्पेक्ट एसए मधील किमान शिल्लक 25,000 रुपये असेल. या खात्यावर 750 रुपये शुल्क आकारले जाईल.

येस बँकेच्या बचत खाते प्रोमध्ये किमान 10,000 रुपये शिल्लक ठेवावे लागतील. यावर कमाल 750 रुपये शुल्क आकारले जाईल. बचत मूल्यासाठी 5000 रुपयांची मर्यादा आहे आणि कमाल 500 रुपये शुल्क आकारले जाईल. त्याचप्रमाणे, माय फर्स्ट खात्यासाठी, मर्यादा 2500 रुपये असेल आणि कमाल शुल्क 250 रुपये असेल.

आयडीएफसी फर्स्ट बँकेने नवा नियम बनवला आहे. आता जर तुम्ही क्रेडिट कार्डद्वारे वीज, गॅस किंवा इंटरनेटचे बिल भरले आणि ती रक्कम एका महिन्यात 20,000 रुपयांपेक्षा जास्त असेल तर तुम्हाला अतिरिक्त शुल्क भरावे लागेल. हे अतिरिक्त शुल्क 1% असेल, ज्यावर 18% GST देखील लागू होईल. परंतु जर तुम्ही FIRST प्रायव्हेट क्रेडिट कार्ड, LIC क्लासिक क्रेडिट कार्ड किंवा LIC Select Credit Card वापरत असाल तर तुम्हाला हे अतिरिक्त शुल्क भरावे लागणार नाही.