जळगाव लाईव्ह न्यूज । ४ मार्च २०२१ । शहरातील पंचमुखी हनुमान मंदीराजवळून रिव्हॉल्व्हरचा धाक दाखवून १५ लाखांची बॅग लांबवणाऱ्या भामट्यांना पोलिसांनी आज उल्हासनगर येथून अटक केली. त्या दोघे भामट्यांसह त्यांना आश्रय देणाऱ्या एकाला देखील पोलिसांनी ताब्यात घेतले आहे.
याबाबत सविस्तर वृत्त असे की, एमआयडीसीतील प्रभा पॉलीमर कंपनीचे कर्मचारी महेश चंद्रमोहन भावसार (वय ५३, रा. दिक्षीतवाडी, जळगाव) आणि संजय सुधाकर विभांडीक (वय-५१, रा. महाबळ कॉलनी, जळगाव) हे १ मार्च २०२१ रोजी दुपारी ५ वाजेता आर. कांतीलाल जोशी पेठे मटन मार्केटजवळ येथून ५ वाजेच्या सुमारास १५ लाख रूपयांची रोकड घेऊनच्या गणपती नगर कडे जाण्यासाठी निघाले होते. पंचमुखी हनुमान मंदिराजवळच्या पद्मावती मंगल कार्यालयाजवळ त्यांची पैशांची बॅग या भामट्याने बंदुकीचा धाक दाखवून लांबवली होती.
यावेळी झालेल्या झटापटीत रिव्हॉल्व्हरची मॅगेझीन खाली पडली. भावसार यांच्या हातातील १५ लाख रूपयांची बॅग घेवून चोरट्यांनी दुचाकी जागेवर सोडून एकाच दिशेने पळ काढला होता. याप्रकरणी एमआयडीसी पोलीसात गुन्हा दाखल करण्यात आला होता.
घटनास्थळावर सोडून दिलेल्या दुचाकीच्या चेसीस नंबरवरून संशयित आरोपी मनोज खुशाल मोळक व विक्की उर्फ रितीक राणा दोन्ही रा. मोहाडी ता.जि.धुळे या दोघांचे संशयित नावे समोर आले. पोलीसांनी चौकशीला सुरूवात केली होती. आज दोघांना एमआयडीसी पोलिसांनी उल्हासनगर येथून दीपक सोनार याच्या घरून अटक केली.
पुढील कारवाईसाठी दोघांना जळगावात आणण्यात येत असून त्यांच्याकडून साडेनऊ लाख रूपये हस्तगत केले आहे.
