जळगाव लाईव्ह न्यूज । ६ मे २०२२ । 10वी आणि 12वी बोर्डाच्या परीक्षेत बसलेल्या विद्यार्थ्यांसाठी छत्तीसगडमधून एक चांगली आणि आनंदाची बातमी आहे. बोर्डाच्या परीक्षेतील टॉपर्सला मोफत हेलिकॉप्टर राईड देणार असल्याचे घोषणा छत्तीसगडच्या राज्य सरकारने केली.
छत्तीसगडचे मुख्यमंत्री भूपेश बघेल यांनी ही घोषणा केली आहे. विद्यार्थ्यांना प्रोत्साहन देण्यासाठी सरकार 10वी-12वीच्या टॉपर्सला मोफत हेलिकॉप्टर राईड देणार असल्याचे बघेल यांनी गुरुवारी सांगितले. मुख्यमंत्री बघेल बलरामपूर-रामानुजगंज जिल्ह्याच्या दौऱ्यावर गेले आहेत. येथे पत्रकार परिषदेत त्यांनी ही घोषणा केली. मुख्यमंत्री बघेल म्हणाले की, सरकारने दहावी-बारावीच्या विद्यार्थ्यांसाठी मोफत उड्डाण योजना केली आहे. त्यात 10वी-12वी मधील टॉपिंग विद्यार्थ्यांना सरकार आपल्या वतीने मोफत हेलिकॉप्टर राईड देईल. त्यासाठी संबंधित अधिकारी व जिल्हाधिकाऱ्यांना सूचना पाठविण्यात येणार आहेत. यामुळे अव्वल विद्यार्थ्यांचे मनोबल आणि प्रतिष्ठा वाढेल तसेच त्यांचे कनिष्ठ सहकारीही त्यांच्यापासून प्रेरणा घेतील, असे मुख्यमंत्री म्हणाले.
छत्तीसगड माध्यमिक शिक्षण मंडळ 10वी आणि 12वी परीक्षेचे निकाल पुढील 15 दिवसांत कधीही जाहीर करू शकते. दरम्यान, बघेल यांच्या घोषणेने विद्यार्थ्यांमध्ये आनंदाची लाट उसळली आहे. छत्तीसगड बोर्डाच्या परीक्षेत सुमारे साडेसहा लाख उमेदवार बसले होते. यापैकी 2,93,685 विद्यार्थी इयत्ता 12वीला बसले होते, त्यापैकी 2,89,808 विद्यार्थी नियमित श्रेणीचे आहेत तर 3,617 विद्यार्थी खाजगी आहेत. तिथेच, 10वीच्या परीक्षेसाठी 3,80,027 विद्यार्थ्यांनी नोंदणी केली होती, त्यापैकी 3,77,677 नियमित आणि 2,360 खाजगी विद्यार्थी आहेत.
