जळगाव लाईव्ह न्यूज । ८ मार्च २०२१ । जिल्ह्यात कोरोनाने पुन्हा डोख वर काढले असून कोरोनाचे रुग्ण संख्या वाढू लागली आहे. कोरोनाच्या वाढत्या प्रादुर्भावामुळे यंदा चाळीसगाव तालुक्यातील श्री क्षेत्र वालझिरी येथील महाशिवरात्री महोत्सव रद्द करण्यात आला आहे.
चाळीसगाव तालुक्यातील श्री क्षेत्र वालझिरी येथे रामायणकार वाल्मिकी ऋषी यांच्या पदस्पर्शाने पावन झालेल्या भूमीवर महाशिवरात्री निमित्ताने मोठी यात्रा भरते, पंचक्रोशीतील भाविक अंघोळ व दर्शनासाठी हजारोंच्या संख्येने येतात. परंतू या वर्षी दिनांक 11 मार्च गुरूवार रोजी महाशिवरात्री आहे. दरवर्षी श्रीक्षेत्र वालझरी या ठिकाणी मोठी यात्रा भरते. लाखावर भाविक दर्शनासाठी येतात व शेकडो व्यावसायिक याठिकाणी दुकाने लावतात.
परंतु यावर्षी वाढत्या कोरोना संसर्गाच्या पार्श्वभूमीवर जिल्हाधिकारी यांच्या आदेशानुसार यंदाचा श्री क्षेत्र वालझिरी येथे महाशिवरात्री निमित्ताने भरण्यात येणारा यात्रोत्सव रद्द करण्यात आला आहे.अ से संस्थानचे अध्यक्ष, उपाध्यक्ष,सचिव व विश्वस्त मंडळाकडून भाविकांना कळविण्यात येत आहे.