वाणिज्य

सेन्सेक्स आणि निफ्टीने बनविला नवीन रेकॉर्ड ; प्रथमच ओलांडला हा टप्पा

जळगाव लाईव्ह न्यूज । ११ डिसेंबर २०२३ । शेअर बाजारात तेजी सुरूच असून चांगल्या जागतिक संकेतांमुळे बाजार सकारात्मक उघडले. त्यानंतर प्रथमच सेन्सेक्सने ७० हजाराचा टप्पा ओलांडला असून नवीन सार्वकालिक उच्चांक बनवला तर दुसरीकडे निफ्टीनेही २१ हजाराचा टप्पा ओलांडला आहे.

आज शेअर बाजार उघडल्यानंतर काही वेळातच सेन्सेक्सने 70,048.90 अंकांचा नवा उच्चांक गाठला. निफ्टीने 21,019.80 अंकांची सर्वोच्च पातळी गाठली. आयटी, एफएमसीजी आणि बँकिंग क्षेत्रातील खरेदीमुळे बाजाराला पाठिंबा मिळत आहे. इंडसइंड बँक, कोल इंडिया आणि ओएनजीसी प्रत्येकी 1 टक्क्यांहून अधिक वाढीसह निफ्टीमध्ये सर्वाधिक लाभधारक आहेत. तर डॉ रेड्डीज 5% घसरले आहेत.

गेल्या आठवड्यात सलग सहाव्या आठवड्यात बेंचमार्क निर्देशांक वाढले, तीन वर्षांतील सर्वोच्च साप्ताहिक वाढ झाली. सोबतच रिझर्व्ह बँक ऑफ इंडिया (RBI) च्या आर्थिक धोरणाच्या घोषणेनंतर आणि सुधारित GDP वाढीच्या अंदाजानंतर ही सकारात्मक गती आली आहे. याआधी शुक्रवारी बीएसई सेन्सेक्स 303 अंकांवर चढून 69,825 वर बंद झाला होता.

चेतन पाटील

पत्रकारिता क्षेत्रात गत ९ वर्षांपासून कार्यरत. देश-विदेशातील विशेष बातम्यांचा अनुभव. नोकरी, शैक्षणिक, विविध योजना संदर्भातील बातम्यांचे विशेष लेखन. जळगाव, पुणे येथील दैनिकात संपादकीय विभागात संपादनाचा अनुभव.

Related Articles

Back to top button