जळगाव लाईव्ह न्यूज । २१ नोव्हेंबर २०२४ । राज्यातील विधानसभा निवडणुकीचं मतदान एकाच टप्प्यात पूर्ण झालं. यात जळगाव जिल्ह्यात सरासरी 65.77 टक्के मतदान झालं. यांनतर आता २३ नोव्हेंबरला निकाल लागणार असून त्यापूर्वी विविध माध्यमांचे एक्झिट पोल समोर आले.
यात जळगाव शहर मतदारसंघातून भाजपचं पारडं जड होताना दिसत आहे. जळगाव शहरातून सुरेश भोळ हे संभाव्य आमदार असतील. भाजपचे सुरेश भोळे यांची लढत ठाकरे गटाचे जयश्री महाजन यांच्यासोबत होती.
जळगाव शहरात सुरेश भोळे यांनी २०१९ मध्येही निवडणुक चांगल्या मताने जिंकली होती. या मतदारसंघात ठाकरे गटाचे बंडखोल वसंत पाटील हेदेखील रिंगणात आहेत.तर मनसेकडून अनूज पाटील हेदेखील रिंगणात आहे. त्यामुळे बहुरंगी लढत होताना दिसत आहे. परंतु गेल्या १० वर्षांपासून सुरेश भोळे यांनी केलेल्या विकासाच्या कामांवर त्यांनी मतदान करण्याचे आवाहन केले आहे.
