जळगाव लाईव्ह न्यूज । ५ जानेवारी २०२२ । यावल तालुक्यातील बामणोद येथील माजी मुख्याध्यापक जयंत निंबा फिरके यांचा मोठा मुलगा विकास जयंत फिरके यांनी मृत्यूपूर्वी गावातील मंदिराच्या जिर्णोद्धासाठी ५ लाख ५१ हजार रूपये देणगी जाहीर केली होती. नंतर दुर्दैवाने त्यांचा मृत्यू झाला. मात्र, पत्नीने पतीचा शब्द पाळून त्यांनी जाहीर केलेल्या रकमेची देणगी ग्रामस्थांना सोपवली असून पतीने दिलेला शब्द त्यांच्या पश्चात खरा केला. त्यांच्या पुढाकाराचे सर्व स्तरातून स्वागत होत आहे.
विकास जयंत फिरके हयात असताना यांनी गावातील एकवीरा देवी मंदिर जीर्णोद्धारासाठी ५ लाख ५१ हजार रूपये देणगी देऊ असे जाहीर केले होते. ही बाब त्यांनी पत्नी माधुरी फिरके यांना सांगितली होती. दरम्यान, विकास फिरके यांचे मध्यंतरी निधन झाले. मात्र, पतीने दिलेला शब्द पाळला जावा व त्यांची देणगी देण्याची इच्छा पूर्ण व्हावी, यासाठी माधुरी फिरके यांनी सोमवारी एकवीरा देवीच्या मंदिरात यादव झोपे, नरेंद्र सपकाळे, नितीन झांबरे, निर्मला पाटील, हेमलता येवले आदींच्या उपस्थितीत संस्थानचे पदाधिकारी रमेश सोनवणे यांना ५ लाख ५१ हजारांची रोख रक्कम सुपूर्द केली. पतीने दिलेला शब्द त्यांच्या पश्चात खरा केला. त्यांच्या पुढाकाराचे सर्व स्तरातून स्वागत होत आहे.
महत्त्वाच्या वेळी मदत : बामणोद येथील एकवीरा देवीच्या मंदिराचा सार्वजनिक वर्गणीतून जिर्णोद्धार सुरू आहे. याच कामासाठी विकास फिरके यांनी देणगी जाहीर केली होती. मात्र, त्यांच्या दुर्दैवी निधनामुळे आम्ही देणगी मिळेल ही अपेक्षा सोडली होती. नंतर देणगी अभावी काम रखडले होते. आता माधुरी फिरके यांनी मदत केली, असे रमेश सोनवणे असे सांगितले.
हे देखील वाचा :
- १०व्या अजिंठा वेरूळ आंतरराष्ट्रीय चित्रपट महोत्सवाचे १५ ते १९ जानेवारी २०२५ दरम्यान आयोजन
- नव्या वर्षात कोणता सण कोणत्या तारखेला? वाचा सणांच्या तारखांची संपूर्ण यादी
- यंदाचा पद्मपाणी जीवनगौरव पुरस्कार ज्येष्ठ दिग्दर्शिका सई परांजपे यांना जाहीर
- आज धनत्रयोदशी! जाणून घ्या पूजाविधी आणि शुभ मुहुर्त..
- उत्तर महाराष्ट्रातून लोकमत खान्देश पॉलिटिकल आयकॉन पुरस्काराने अमोल शिंदे सन्मानित
