जळगाव लाईव्ह न्यूज । १२ मे २०२१ । सावदा येथे लसीकरण केंद्रावरील उडालेल्या गोंधळानंतर जिल्हा बँकेच्या अध्यक्षा रोहिणीताई खडसे यांनी भेट दिल्याने याला राजकीय वळण लागले. रोहिणीताईंनी फ्रंटलाईन वर्करसाठी असणार्या २० लस देखील सर्वसामान्य नागरिकांना देण्याच्या सूचना दिल्या. तसेच त्यांनी गोंधळ निस्तरण्यासाठी वाढीव लसींची मागणी केली.
याला शिवसेनेतर्फे शहरप्रमुख भरत नेहते व सूरज परदेशी यांनी आपल्या सहकारी पदाधिकार्यांसह पत्रकार परिषद घेऊन प्रत्युत्तर दिले. यात ते म्हणाले की, सावदा शहरासाठी आज मिळालेल्या लसी या आमदार चंद्रकांत पाटील यांच्या प्रयत्नांनी मिळाल्या आहेत. रोहिणीताईंनी येथे येऊन राजकारण केले. त्यांनी केवळ श्रेया साठी राजकरण न करता खरी खुरी समाजसेवा करावी असा खोचक सल्लादेखील शिवसेनेच्या पदाधिकार्यांनी यावेळी दिला.
---Advertisement---
