जळगाव लाईव्ह न्यूज । १८ मार्च २०२१ । पाचोरा तालुक्यातील आसनखेडा जवळील वनविभागाला दि. १८ रोजी आग लागून १ हजार ५०० हेक्टर पैकी सुमारे ६५ टक्के हेक्टर क्षेत्र बांधीत झाले आहे. आगी बाबत प्राथमिक माहिती नुसार आगीच्या रौद्ररुप धारण केल्याने जंगलातील संपुर्ण टेकड्या जळून खाक झालेल्या आहेत.
पाचोरा वनक्षेत्रात मोठ्या प्रमाणावर वन्य प्राणी आहेत. या आगीमुळे वन्य प्राण्यांना मोठ्या प्रमाणावर होरपळले असण्याची दाट शक्यता व्यक्त होत आहे. याआगीचा फटका नांद्रा, पहाण, लाख, कुऱ्हाड, सावंगी या गावाना लागून असलेल्या जंगलाला फटका अग्निशमन दलाकडून आग विझविण्यासाठी शर्थीचे प्रयत्न सुरू आहेत. यासाठी आसनखेडा येथील माजी उपसरपंच कैलास पाटील, गंभीर पाटील, श्रावण कोळी, ईश्वर पाटील, सुपडू पाटील या स्थानिक ग्रामस्थ हे आग विझवण्याचे काम करत आहेत. घटना स्थळी वनविभागाचे वनपाल सुनिल भिलावे, ड्रायव्हर सचिन कुमावत, वनमजुर रामसिंग पाटील हे आग विझवण्याचे शर्थीचे प्रयत्न करत आहेत.
