जळगाव लाईव्ह न्यूज । ११ मार्च २०२१ । यावल । चार लहान मुलांच्या आईने पहील्या पतीशी घटस्फोट न घेता प्रियकरासोबत परस्पर संसार थाटल्याची घटना समोर आली आहे. तिच्या पहिल्या नवऱ्याने त्या दोघांविरोधात पोलिसात तक्रार दाखल केली आहे.
याबाबत अधिक माहिती अशी कि, यावल तालुक्यातील नायगाव येथील राहणारे प्यारसिंग भाया बारेला यांची पत्नी बोंदरीबाई बारेला (वय ३८) घरगुती भांडणामुळे आपल्या ४ मुलांना सोडून माहेरी निघून गेली होती. वर्षभरानंतर ते आपल्या पत्नीला घेण्यासाठी सासरी धोपा भगवानपुरा जि. खरगोन (मध्यप्रदेश) येथे गेले. तेव्हा त्यांची पत्नीने भल्या इतू वास्कले या व्यक्ति सोबत लग्न केल्याचे समजले.
यानंतर प्यारसिंग भाया बारेला यांनी पत्नी बोंदरीबाई बारेला व सासरे तुताराम अंकऱ्या बारेला व पत्नीचा दुसरा नवरा भल्या वास्कले या तिघांच्या विरूध्द यावल पोलीस स्टेशनमध्ये गुन्हा दाखल केला आहे.
