जळगाव लाईव्ह न्यूज : 5 फेब्रुवारी 2024 : मुलींना प्रेमाच्या जाळ्यात ओढून फूस लावून पळवून नेल्याच्या घटना अलीकडे वाढल्या आहेत. मात्र जळगाव शहरातील रामानंद पोलिस ठाण्याच्या हद्दीतील एका अल्पवयीन मुलीला त्याच परिसरातील एका मुलीने फूस लावून पळवून नेले.
ही घटना ३१ जानेवारी रोजी उघडकीस आली असून याप्रकरणी पळवून नेणाऱ्या तरुणीविरुद्ध रामानंद नगर पोलिस ठाण्यात गुन्हा दाखल करण्यात आला आहे.
१४ वर्षीय अल्पवयीन मुलीला एका तरुणीने सोबत घेत किराणा दुकानावर जाऊन येतो, असे सांगून सोबत नेले; परंतु ती घरी न परतल्याने अल्पवयीन मुलीच्या कुटुंबीयांनी तिचा परिसरात शोध घेतला. मात्र, ती न सापडल्याने रामानंदनगर पोलिस ठाण्यात फिर्याद दिली. त्यावरून पळवून नेणाऱ्या तरुणीविरुद्ध गुन्हा दाखल करण्यात आला आहे. पुढील तपास पोउनि गोपाल देशमुख करत आहेत
Follow Us
