जळगाव लाईव्ह न्यूज । २१ नोव्हेंबर २०२३ । दिवाळीनंतर सुरु असलेली सोने आणि चांदी दरातील दरवाढ थांबत नाहीय. सोन्याच्या किमतीने पुन्हा एकदा उच्चांकीच्या दिशेने वाटचाल करताना दिसत आहे. सोबतच चांदीची महाग होत चालली आहे. दरम्यान, आज आठवड्याच्या दुसऱ्या दिवशी मंगळवारी भारतीय सराफा बाजार मोठ्या वाढीसह उघडला. यावेळी दोन्ही धातूंच्या किमतीत मोठी उसळी पाहायला मिळाली. Gold Silver Rate Today
MCX वरील सोने आणि चांदीचा दर?
मल्टी कमोडिटी एक्सचेंज (MCX) वर आज मंगळवारी सकाळी सोन्याचा भाव 0.68 टक्क्यांनी वाढून 413 रुपये प्रति दहा ग्रॅम 61,070 रुपयांवर पोहोचला. तर चांदीचा भाव येथे 0.88 टक्क्यांनी म्हणजेच 641 रुपयांनी वाढला असून तो 73,285 रुपये प्रति किलोवर ट्रेंड करत आहे.
दुसरीकडे, यूएस कॉमेक्स या परदेशी बाजारपेठेत सोन्याच्या किमतीत 0.75 टक्क्यांनी वाढ झाली, म्हणजेच 14.90 डॉलर आणि प्रति औंस 1995.20 डॉलरवर पोहोचले. त्याच वेळी, चांदीची किंमत 0.89 टक्क्यांनी महाग झाली आहे, म्हणजे $ 0.21 ते $ 23.83 प्रति औंस.
दरम्यान, जळगावसुवर्णनगरीत 22 कॅरेट सोन्याचा भाव 56,500 रुपयांव पोहोचला आहे. तर 24 कॅरेट सोन्याचा भाव 61,800 रुपये प्रति 10 ग्रॅमपर्यंत पोहोचला आहे. तर चांदीचा भाव 74,500 रुपये किलोवर पोहोचला आहे.
