जळगाव लाईव्ह न्यूज । २५ जानेवारी २०२१ । एक दिवसाच्या घसरणीनंतर सोन्याच्या (Gold Rate) दरात पुन्हा वाढ झालीय. आज जळगाव सराफ बाजार पेठेत सोने ३२० रुपयांनी महागले आहे. तर दुसरीकडे मात्र, चांदीच्या (Silver Rate) दरात घसरण दिसून आली. आज चांदीच्या दरात ८७० रुपयाची घसरण झाली आहे. त्यापूर्वी काल सोने १३० रुपयांनी स्वस्त झालं होते. तर चांदीच्या दरात ५८० रुपयाची घट झाली होती.
आजचा सोने आणि चांदीचा भाव :
आज मंगळवारी जळगाव सराफ बाजारात २४ कॅरेट १० ग्रॅम सोन्याचा भाव ४९,७०० इतका आहे. तर चांदीचा प्रति किलोचा भाव ६५,४६० रुपये इतका आहे. दरम्यान, सराफ व्यवसायिकांकडून सोन्यावर जीएसटी, आयात शुल्क आणि घडणावळ शुल्क आकारले जाते. त्यामुळे दहा ग्रॅम सोन्याचा दागिना खरेदी करताना प्रत्यक्ष बाजार भावात ४ ते ५ हजारांची वाढ होते.
दरम्यान, चालू आठवड्याच्या पहिल्या दिवशी, भारतीय भांडवल बाजारात उदासिनतेमुळे घसरण पहायला मिळाली. बाजारपेठांमध्ये नकारात्मक वातावरण निर्माण झाले असून गुंतवणूकदारांनी सुरक्षित गुंतवणूक म्हणून सोन्याकडे मोर्चा वळवला आहे. त्यामुळे सोन्यातील तेजी दिवसागणिक वाढत आहे. जळगाव बाजारात गेल्या आठवड्यात चांदीच्या दरात ४१८० रुपयांनी वाढ झाली आहे. तर दुसरीकडे सोने देखील महागले आहे. गेल्या आठवड्यात सोने चार वेळा महागले आहे. त्यात ६१० रुपयाने सोने महागले आहे. तर गेल्या १५ दिवसांमध्ये सोने १००० हजार रुपयापर्यंत महागले तर चांदी तब्बल ५७०० रुपयांनी महागली आहे.
गेल्या आठवड्यातील दर?
१७ जानेवारी (सोमवार) रोजी २४ कॅरेट सोन्याचे दर ४८,९०० रुपये प्रति तोळा एवढे नोंदले गेले. तसेच एक किलो चांदीचे दर ६३,०५० रुपये असा होता. १८ जानेवारी (मंगळवार) २४ कॅरेट सोन्याचे दर ४९,०४० रुपये प्रति तोळा एवढे नोंदले गेले. तर एक किलो चांदीचे दर ६३,३५० रुपये इतका नोंदविला गेला. १९ जानेवारी (बुधवार) २४ कॅरेट सोन्याचे दर ४९,०५० रुपये प्रति तोळा एवढे नोंदले गेले. तर एक किलो चांदीचे दर ६४,५०० रुपये इतका नोंदविला गेला. २० जानेवारी (गुरुवार) २४ कॅरेट सोन्याचे दर ४९,५१० रुपये प्रति तोळा एवढे नोंदले गेले. तर एक किलो चांदीचे दर ६५,९१० रुपये इतका नोंदविला गेला
सोन्याची शुद्धता कशी तपासायची
24 कॅरेट शुद्ध सोन्यावर 999 लिहिले आहे.
22 कॅरेटच्या दागिन्यांवर 916 लिहिले आहे.
21 कॅरेट सोन्याच्या ओळखीवर 875 लिहिले जाईल.
18 कॅरेटच्या दागिन्यांवर 750 लिहिले आहे.
14 कॅरेटच्या दागिन्यांवर 585 लिहिले आहे.
हे देखील वाचा :
- जळगाव जिल्ह्यातील शेतकऱ्यांना फळपिक विमा योजनेसाठी ‘फॉर्मर आयडी’ अनिवार्य
- डॉ. उल्हास पाटील रूग्णालयात पर्यावरण दिनानिमित्त ३५१ रोपट्यांचे रोपण
- रेल्वेच्या तत्काळ तिकिट बुकिंगबाबत सरकारची मोठी घोषणा ; ‘हा’ बदल होणार?
- GST चे चार स्लॅबवरून तीन होणार? 12% करसवलतीनंतर काय स्वस्त, काय महाग होईल?
- जळगावात ‘प्रधानमंत्री नॅशनल ॲप्रेंटिसशिप’ भरती मेळाव्याचे आयोजन; नोंदणी कशी आणि कुठे कराल
