जळगाव लाईव्ह न्यूज । १ मे २०२१ । नाशिक येथील बिटको रूग्णालयात देवेंद्र फडणीस, प्रवीण दरेकर आणि गिरीश महाजन यांना नातेवाईकांच्या रोषाला सामोरे जावे लागले. याबद्दलचे २ व्हिडीओ सोशल मीडियावर चांगलेच व्हायरल झाले आहेत.
याबाबत सविस्तर माहिती अशी कि, नाशिक येथील बिटको रूग्णालयात देवेंद्र फडणीस, प्रवीण दरेकर आणि गिरीश महाजन हे पाहणी करण्यासाठी आले होते. यावेळी त्यांच्यासोबत कार्यकर्त्यांची मोठी गर्दी जमली होती.
आधीच नाशिकमध्ये कोरोना परिस्थिती दिवसेंदिवस गंभीर होत असतांना अशा प्रकारची गर्दी करणे कितपत योग्य आहे? असा सवाल काही नागरिकांनी थेट गिरीश महाजन यांना यावेळी विचारला. सोशल डिस्टन्स आम्हाला धडे देता स्वतः मात्र पाळत नसल्याने नागरिकांनी रोष व्यक्त केला.
नेत्यांना कार्यकर्त्यांसह रुग्णालयात प्रवेश मिळतो मात्र, सर्वसामान्यांना प्रवेश मिळत नसल्याची खंत व्यक्त करण्यात आली. यावेळी माजी मंत्री गिरीश महाजन व नातेवाईकांमध्ये चांगलीच शाब्दिक खडाजंगी झाल्याचे व्हिडीओ समोर आले आहेत.
