जळगाव लाईव्ह न्यूज । जाफर मनियार । बोदवड शहरातील मुस्लिम कबरस्थानचे सुशोभीकरणाचे काम सुरू आहे. त्यात ठेकेदाराकडून कामात कसूर करून ओबडधोबड काम केले जात असल्याची तक्रार मुस्लिम युवकांनी मुख्याधिकाऱ्यांना निवेदनाद्वारे केली.
निवेदनात म्हटले आहे की, कब्रस्तान सुशोभिकरणाच्या कामाला सुरुवात झालेली आहे परंतु, संबंधित ठेकेदार कामात कसूर करून ओबडधोबड काम करत आहे.
कब्रस्तान सुशोभीकरणाच्या निविदेमध्ये नवीन पाया रचना करून दोन्ही इमारती उभ्या कराव्या असे स्पष्ट उल्लेख असूनही संबंधित ठेकेदार एकाच इमारतीची नवीन पाया रचना करून इमारतीचे बांधकाम करत आहे. तर दुसरी इमारत ही जुना हाल असलेल्या जागेवर त्याच हॉलचे नूतनीकरण करून तेथेच या इमारतीचे बांधकाम करत आहे.
त्यामुळे हे काम नियमानुसार नसून बेकायदेशीर केले जात आहे व त्यातून संबंधित ठेकेदाराला पैसे वाचावे यासाठी असे बोगस काम केले जात असून, याकडे मुख्याधिकाऱ्यांना तात्काळ लक्ष घालून कामाची पाहणी करावी व संबंधित ठेकेदाराला दुसऱ्या बिल्डिंगचे सुद्धा नवीन पाया रचना करून इमारत बांधकाम करण्याच्या सूचना द्या, अशी मागणी मुस्लिम युवकांनी केली असून, येत्या ३ दिवसात दाखल न घेतल्यास नगरपंचायत समोर आमरण उपोषण करणार असल्याचा इशारा दिला आहे.
यावेळी कबरस्थान कमिटीचे अध्यक्ष हाजी युनूस बागवान, उपाध्यक्ष बिस्मिल्ला कुरेशी, सचिव सलामोद्दीन शेख, जावेद ठेकेदार, लतीफ शेख, जाफर शेख, नईम खान, हसन ठेकेदार, नदीम शेख व वसीम अक्रम आदी उपस्थित होते.
हे देखील वाचा :
- आज धनत्रयोदशी! जाणून घ्या पूजाविधी आणि शुभ मुहुर्त..
- उत्तर महाराष्ट्रातून लोकमत खान्देश पॉलिटिकल आयकॉन पुरस्काराने अमोल शिंदे सन्मानित
- जळगावच्या ज्येष्ठ नागरिकांना आता कोल्हापूरच्या महालक्ष्मीचे दर्शन घेण्याची संधी, ६ ऑक्टोबरपर्यंत करा अर्ज
- दहाव्या अजिंठा वेरूळ आंतराष्ट्रीय चित्रपट महोत्सवाच्या मानद अध्यक्षपदी प्रसिध्द दिग्दर्शक आशुतोष गोवारीकर यांची नियुक्ती
- ना.गुलाबराव पाटील यांच्या पुढाकाराने 3 हजार वारकऱ्यांना पंढरपूर वारी
