⁠ 
मंगळवार, एप्रिल 23, 2024

‘ही’ इलेक्ट्रिक स्कुटर 50 हजारांपेक्षा कमी किमतीत खरेदी करा, एका चार्जवर किती किमी धावेल??

जळगाव लाईव्ह न्यूज । ३ ऑगस्ट २०२३ । सध्या देशात इलेक्ट्रिक टू-व्हीलरचा ट्रेंड सुरू आहे. जर तुमचाही इलेक्ट्रिक टू-व्हीलर खरेदीचा प्लॅन असेल आणि बजेटमुळे तुम्ही ती घेऊ शकले नसतील तर आज आम्ही तुम्हाला 50,000 रुपयांपेक्षाही कमी किमतीतील इलेक्ट्रिक स्कुटरबाबत सांगणार आहोत. त्यात चांगले फीचर्सही उपलब्ध आहेत.चला तर मग जाणून घेऊयात..

इव्होलेट पोनी इलेक्ट्रिक स्कूटर (Evolet Pony Electric scooter)
ही इलेक्ट्रिक स्कूटर देशातील सर्वात स्वस्त इलेक्ट्रिक स्कूटरपैकी एक आहे. कंपनीने लिथियम बॅटरी असलेली ही इलेक्ट्रिक स्कूटर बाजारात आणली आहे. ही स्कूटर एका चार्जमध्ये 80 KM पर्यंत प्रवास करू शकते. त्याची कमाल गती सुमारे 25KM/h आहे. या कंपनीच्या स्कूटरच्या Pony EZ ची किंमत 41,124 रुपये आहे.

एव्हॉन ई स्कूट (Avon E Scoot)
कंपनीच्या या इलेक्ट्रिक स्कूटरमध्ये बॅटरीमधून 48 V 20 Ah चा पॉवर चार्ज होतो. पूर्ण चार्ज केल्यानंतर, तुम्ही सुमारे 85 किमी अंतर कापू शकता. या स्कूटरचा कमाल वेग ताशी 65 किमी आहे. या स्कूटरची बॅटरी चार्ज होण्यासाठी चार ते पाच तास लागतात. किंमतींबद्दल बोलायचे झाले तर त्याची एक्स-शोरूम किंमत सुमारे 39,259 आहे. त्याच वेळी, टॉप व्हेरिएंटची किंमत 45,000 रुपयांपर्यंत आहे.

Ujaas Energy eGo LA
कंपनीने आपली इलेक्ट्रिक स्कूटर 60V/26Ah बॅटरीसह आणली आहे. यामध्ये बॅटरीसह 250w ची इलेक्ट्रिक मोटर देखील वापरली गेली आहे. ही स्कूटर एकदा पूर्णपणे चार्ज केल्यानंतर सुमारे 75 किमी अंतर कापण्यास सक्षम आहे. या स्कूटरचा कमाल वेग 25-30KM/h आहे. पूर्ण चार्ज होण्यासाठी 4-5 तास लागतात. या स्कूटरची एक्स-शोरूम किंमत 34,880 रुपये ठेवण्यात आली आहे. इतर ब्रँडच्या तुलनेत ही किंमत खूपच कमी आहे.