जळगाव लाईव्ह न्युज । १८ ऑक्टोबर २०२२ । चाळीसगाव रेल्वे स्थानकावर ओव्हर ब्रिजचा गर्डरचे काम मंगळवार, 18 रोजी करण्यात येणार असल्याने गाडी क्रमांक 11120 भुसावळ-ईगतपुरी मेमू ट्रेन मंगळवार, 18 रोजी तसेच गाडी क्रमांक 11119 ईगतपुरी-भुसावळ मे बुधवार, 19 रोजी रद्द करण्यात आली आहेत. दरम्यान, गर्डर कामामुळे आठ गाड्या उशिराने धावणार असल्याने रेल्वे प्रवाशांनी याची दखल घ्यावी, असे आवाहन रेल्वे प्रशासनाने केले आहे.
या गाड्या धावणार उशिराने
11078 जम्मूतवी-पुणे एक्स्प्रेस वाघळी स्टेशनवर 08.15 ते 11.25 दरम्यान थांबवण्यात येईल तसेच 12142 पाटलीपूत्र-एलटीटी कजगाव स्टेशनवर सकाळी 8.30 ते 11.25 वाजेदरम्यान तसेच 15065 गोरखपूर-पनवेल एक्स्प्रेस गाळण स्टेशनवर 8.40 ते 11.25 दरम्यान, 11056 गोरखपूर-एलटीटी पाचोरा स्टेशनवर 8.45 ते 11.25 वाजेदरम्यान, 12780 निजामुद्दीन-वास्को माहिजी स्टेशनवर 9.50 ते 11.25 वाजेदरम्यान, 15018 गोरखपूर-एलटीटी एक्स्प्रेस शिरसोली स्थानकावर 10.25 ते 11.25 वाजेदरम्यान 15646 गुवाहाटी-एलटीटी एक्स्प्रेस जळगाव स्टेशनवर 10.40 ते 11.25 वाजेदरम्यान थांबवण्यात येणार आहे.
डाऊन लाईनवर या गाड्या धावणार उशिराने
20103 एलटीटी-गोरखपूर हिरापूर स्टेशनवर सकाळी 10.35 ते 11.25 दरम्यान, 22129 एलटीटी-प्रयागराज न्यायडोंगरी स्टेशनवर सकाळी 10.40 ते 11.25 वाजता, 12839 सीएसएमटी-हावडा पिंपरखेड स्टेशनवर 10.50 ते 11.25 वाजेपर्यंत तसेच 12779 वास्को निजामुद्दीन नांदगाव स्टेशनवर 11 ते 11.25 वाजेपर्यंत थांबवण्यात येणार आहे.
