जळगाव लाईव्ह न्यूज । २२ एप्रिल २०२१ । लॉकडाऊन असून देखील जळगाव शहरातील कोरोना बाधितांचे आकडे कमी होत नाहीये. यात दिलासादायक केवळ इतकेच आहे कि नवीन रुग्णांपेक्षा बरे होणाऱ्यांची संख्या अधिक आहे.
आज जळगाव जिल्ह्यातून १ हजार २०४ रुग्ण बरे झाले असून १ हजार ३४ नवीन रुग्ण आढळून आले आहेत. दरम्यान, जळगाव शहरात मागील काही दिवसापासून रुग्ण संख्येचा आकडा घटताना दिसून येत आहे. काही दिवसापासून शहरात बाधित रुग्णांपेक्षा बरे होणाऱ्या रुग्णांची संख्या अधिक आहे. आज शहरात १७५ नवे रुग्ण आढळून आले आहे तर आजच २२५ रुग्णांनी कोरोनावर मात केली आहे. मात्र, मृताच्या आकड्याने प्रशासनाची चिंता वाढली आहे. आज शहरात ०६ रुग्णांचा मृत्यू झाला आहे. त्यात एका तरुणाचा समावेश आहे. शहरातील एकूण मृताचा आकडा ४७९ वर गेला आहे.
जिल्ह्यात आतापर्यंत एकुण १ लाख १३ हजार ७०४ बाधित रूग्ण आढळून आले आहे. त्यापैकी १ लाख ७५८ रूग्ण बरे होवून घरी परतले आहे. आज १८ रुग्णांचा मृत्यू झाला असून एकूण मृताचा आकडा २०१६ वर गेला आहे. जिल्ह्यात सध्या १० हजार ९३० बाधित रूग्ण विविध कोवीड रूग्णालयात उपचार घेत आहे.
जळगाव शहर- १७५, जळगाव ग्रामीण- ४७, भुसावळ- ८६, अमळनेर- ६७, चोपडा- ५८, पाचोरा- ५३, भडगाव- १०, धरणगाव- ४२, यावल- ६७, एरंडोल- ५४, जामनेर- १११, रावेर- ९६, पारोळा- २४, चाळीसगाव- ४९, मुक्ताईनगर- १८, बोदवड- ७० आणि इतर जिल्हे ७ असे एकुण १०३४ बाधित रूग्ण आढळले आहे.
