जळगाव लाईव्ह न्यूज । जळगाव विमानतळावरून तुम्हीही मुंबईसह अहमदाबाद जाण्यासाठी विमान तिकीट करणार असाल तर तुमच्यासाठी एक महत्वाची बातमी आहे. जळगाव विमानतळ ते मुंबई, अहमदाबाद विमानसेवेच्या वेळेत बदल करण्यात आला आहे. हा बदल दि. ३१ जानेवारीपर्यंत असणार आहे.
सोमवार, बुधवार, शुक्रवार या दिवशी मुंबई ते जळगाव विमान सायंकाळी पावणेसहा वाजता मुंबईतून निघून ७ वाजून ५ मिनिटांनी जळगावला येईल. हेच विमान जळगावहून सायंकाळी साडेसात वाजता निघून रात्री पावणेनऊ वाजता अहमबादला पोहोचेल. रविवारी, मात्र मुंबईहून जळगावला सायंकाळी सात वाजता येणारे विमान पुढे अहमदाबादला न जाता साडेसात वाजता मुंबईला परत जाईल.
मंगळवार, गुरुवार, शनिवार या दिवशी अहमदाबाद ते जळगाव विमान सायंकाळी पावणेसहा वाजता अहमदाबादहून निघून सात वाजता जळगावला पोहोचेल. हेच विमान सायंकाळी जळगावहून ७:२५ वाजता निघून रात्री पावणेनऊ वाजता मुंबईला पोहोचेल.
