जळगाव लाईव्ह न्यूज । ९ एप्रिल २०२३ । चाळीसगाव-धुळे मार्गाने प्रवास करणाऱ्या प्रवाशांसाठी एक आनंदाची बातमी आहे. ती म्हणजे ११ एप्रिल पासून चाळीसगाव-धुळे मेमू ट्रेन दिवसातून चार वेळा धावणार आहे. यामुळे प्रवाशांना मोठा दिलासा मिळणार आहे.
सध्या लग्नसराईत सुरु आहे. सोबतच उन्हाळी सुट्ट्या लवकरच लागणार असल्याने अनेक कुटूंब रेल्वेने गावी जातात. यामुळे रेल्वेत देखील मोठी गर्दी दिसून येतेय. अशातच चाळीसगाव-धुळे मेमू दिवसातून चार वेळा धावणार असल्याने प्रवाशांना दिलासा मिळणार आहे.
असे आहे वेळापत्रक-
चाळीसगाव येथून पहिली फेरी ६.३० वाजता, दुसरी फेरी ९.३० वाजता, तिसरी फेरी दुपारी १२.५५ वाजता, चौथी फेरी सायंकाळी ५.३० वाजत सुटणार आहे.
धुळे येथून पहिली फेरी संकाळी ७.३५ वाजता, दुसरी फेरी संकाळी ११.३० वाजता, तिसरी फेरी ३.३० वाजता, चोथी फेरी सायंकाळी ७.२० वाजता सुटणार आहे.
