जळगाव लाईव्ह न्यूज । १३ ऑक्टोबर २०२३ । दिवाळी आणि छठ पूजेचा सण अगदी जवळ आला असून यादरम्यान अनेक लोक कुटुंबासह त्यांच्या गावी जातात. यावेळी रेल्वे गाड्यांमध्ये मोठ्या प्रमाणत गर्दी होते. प्रवाशांची गर्दी कमी करण्यासाठी मध्य रेल्वेने (CR) ३० विशेष गाड्या चालवण्याची योजना आखली आहे.
सीएसएमटी – नागपूर पाक्षिक सुपरफास्ट स्पेशल (२० फेऱ्या)
ट्रेन क्रमांक ०२१३९ सुपरफास्ट स्पेशल छत्रपती शिवाजी महाराज टर्मिनसवरून सोमवार आणि गुरुवार १९.१०.२०२३ ते २०.११.२०२३ दरम्यान सकाळी ०0.२० वाजता सुटेल आणि त्याच दिवशी दुपारी १५.३० वाजता नागपूरला पोहोचेल.
गाडी क्र. ०२१४० सुपरफास्ट स्पेशल २१.१०.२०२३ ते २१.११.२०२३ मंगळवार आणि शनिवारी दुपारी १३.३० वाजता नागपूरहून सुटेल आणि दुसऱ्या दिवशी पहाटे ४.१० वाजता छत्रपती शिवाजी महाराज टर्मिनस येथे पोहोचेल.
या स्थानकावर थांबेल : दादर, ठाणे, कल्याण, नाशिकरोड, मनमाड, भुसावळ, मलकापूर, शेगाव, अकोला, मूर्तिजापूर, बडनेरा धामणगाव आणि वर्धा हे थांबे आहेत.
रचना: १६ AC ३ टियर इकॉनॉमी क्लास आणि दोन जनरेटर व्हॅन
नागपूर – पुणे साप्ताहिक सुपरफास्ट स्पेशल (१० फेऱ्या)
गाडी क्रमांक ०२१४४ सुपरफास्ट स्पेशल १९.१०.२०२३ ते १६.११.२०२३ पर्यंत दर गुरुवारी रात्री १९:४० वाजता नागपूरहून सुटेल आणि पुण्यात दुसऱ्या दिवशी सकाळी ११.२५ वाजता पोहोचेल.
गाडी क्रमांक ०२१४३ सुपरफास्ट स्पेशल २०.१०.२०२३ ते १७.११.२०२३ या कालावधीत दर शुक्रवारी संध्याकाळी १६.१० वाजता पुण्याहून सुटेल आणि दुसऱ्या दिवशी सकाळी ६.३० वाजता नागपुरात पोहोचेल.
या स्थानकावर थांबेल : वर्धा, धामणगाव, बडनेरा, अकोला, शेगाव, मलकापूर, कोपरगाव, बेलापूर, अहमदनगर, दौंड चौर्ड लाईन आणि उरली हे थांबे आहेत.
रचना: १६ AC ३ टियर इकॉनॉमी क्लास आणि दोन जनरेटर व्हॅन
आरक्षणासाठी, वरील विशेष गाड्यांसाठी विशेष शुल्कावर बुकिंग उद्या म्हणजेच १४ रोजी सर्व स्थानांवर आणि www.irctc.co.in वेबसाइटवर उघडेल.प्रवाशांनी या सुविधेचा लाभ घ्यावा असे आवाहन करण्यात आले आहे.