जळगाव शहरातील रोटरी क्लब जळगाव स्टारतर्फे रस्त्यावर कर्तव्य बजावणाऱ्या पोलिसांना सॅनिटायझर, मास्क, टोपी आणि व्हिटॅमिन सीच्या १५ दिवसांच्या गोळ्या असलेले किट वाटप करण्यात आले आहे.
रोटरीचे अध्यक्ष धनराज कासट, सागर मुंदडा, जिनल जैन, हितेश सुराणा यांनी उपक्रमासाठी परिश्रम घेतले.
जळगाव लाईव्ह न्यूज । ०१ मे २०२१ । जळगावच्या प्रथम नागरीक, महापौर सौ. जयश्रीताई महाजन आज (1 मे 2021) सकाळी लवकर उठून आपले दैनंदिन पारिवारिक नियोजन करून महाराष्ट्र दिन व जागतिक कामगार दिनानिमित्त आयोजित शहरातील विविध शासकीय कार्यक्रमस्थळी हजर राहण्याकरिता आपल्या गाडीद्वारे घराबाहेर पडल्या.
जिल्हाधिकारी कार्यालयातील शासकीय ध्वजवंदन संपन्न झाले. त्यानंतर सौ. जयश्रीताईंच्या मनात विचारांची घालमेल सुरू झाली अन् विचार आला, की ‘कोविड-19’चे थैमान गेल्या वर्ष-सव्वावर्षभरापासून सुरू आहे. या काळात जीवाची पर्वा न करता कुटुंबीयांसह स्वतःची काळजी घेत शहरातील जनतेला अहोरात्र प्रामाणिकपणे सेवा देत कर्तव्यापासून दूर न जाणार्‍या विविध क्षेत्रांतील अत्यावश्यक सेवेतील कर्मचारी अर्थात कोरोनायोद्ध्यांना प्रत्यक्ष भेटावे अन् त्यांच्या भावना आपण महाराष्ट्र दिन व जागतिक कामगार दिनाचे औचित्य साधून जाणून घ्याव्यात. तसेच याचवेळी त्यांचा छोटेखानी सत्कार करून त्यांना शुभेच्छाही द्याव्यात. त्या अनुषंगाने सौ. जयश्रीताई हा संकल्प हाती घेऊन आपल्या गाडीने मार्गस्थ झाल्या.
सुरूवातीला सौ. जयश्रीताईंनी शहरातील सुपरिचित गणपती मल्टी स्पेशालिटी हॉस्पिटलला भेट देऊन तेथील कर्मचार्‍यांचा पुष्पगुच्छ देऊन सत्कार करत शुभेच्छा देऊन तोंडभरून कौतुक केले. याप्रसंगी संचालक डॉ. शीतल ओसवाल, ‘सीईओ’ तेजस जैन व संदीप भुतडा यांच्याशी चर्चा करून ‘कोविड-19’च्या संक्रमण काळात अहोरात्र देत असलेल्या प्रामाणिक सेवेसह त्यांच्या स्वनिर्मित ऑक्सिजन प्लांट उभारणीबाबत समाधान व्यक्त केले. त्यानंतर सौ. जयश्रीताईंनी ‘वसंतस् दि सुपरशॉप’ला भेट देऊन तेथील कर्मचार्‍यांचा पुष्पगुच्छ देऊन सत्कार केला.
तसेच तेथे ग्राहकांना शिस्तबद्धपणे दिल्या जाणारी सेवा प्रत्यक्ष अनुभवली. याप्रसंगी संचालक नितीन रेदासनी यांनी आपल्या व्यवसायासह सुपरशॉपनजीक होणारी वाहन पार्किंगची समस्या व त्यामुळे होणारी ग्राहकांची अडचण यासंदर्भात महापौर सौ. जयश्रीताईंशी चर्चा केली. तेथून सौ. जयश्रीताईंनी मोटेल कोझी कॉटेजच्या पेट्रोलपंपाला भेट देऊन तेथील कर्मचार्‍यांचा पुष्पगुच्छ देऊन सत्कार करून त्यांच्या सेवेविषयी चर्चा केली.
मात्र, याचवेळी संचालक प्रकाश चौबे हे महापौर सौ. जयश्रीताईंची अचानक भेट व कर्मचार्‍यांच्या केलेल्या सत्काराने भारावून जात भावूक झाले अन् म्हणाले, ‘माझ्या आयुष्यप्रवासात प्रथमच पेट्रोलपंपावरील कर्मचार्‍यांचा महापौरांकडून सत्कार व्हावा, ही बाब अतिशय संस्मरणीय आहे. आपल्याला मी या कार्यासाठी मनापासून शुभेच्छांसह धन्यवाद देतो’. यानंतर सौ. जयश्रीताईंनी दि जळगाव पीपल्स बँक, रामदास पाटील स्मृती सेवा ट्रस्ट संचालित राजेश्री श्री छत्रपती शाहू महाराज हॉस्पिटलला भेट दिली व तेथील कर्मचार्‍यांना पुष्पगुच्छ देऊन शुभेच्छा दिल्या. याचवेळी हॉस्पिटलमधील प्रसूती विभागात जाऊन तेथील महिलेची व तिच्या कन्येची आस्थेवाईकपणे विचारपूस केली.
सौ. जयश्रीताईंची ही कृती पाहून प्रत्यक्ष उपस्थित रुग्ण व त्यांच्या नातेवाइकांनी भारावून जात या कार्याची मनमोकळेपणाने चर्चा करत त्यांचे कौतुक केले. त्याचवेळी जळगाव शहर महानगरपालिकेच्या ‘कोविड-19’ लसीकरण केंद्रालाही सौ. जयश्रीताई भेट देऊन डॉ. राम रावलानींची भेट घेत त्यांचा सत्कार करत शुभेच्छा दिल्या. याप्रसंगी डॉ. रावलानी अत्यंत भावनावश होऊन सौ. जयश्रीताईंचा छोटेखानी सत्कार करताना म्हणाले, ‘गेल्या काही वर्षांपासून मी रुग्णालयाच्या माध्यमातून जनसेवा करीत आहे. मात्र, आजचा दिवस माझ्यासाठी अन् या रुग्णालयासाठी ऐतिहासिक म्हणावा लागेल. त्याचे कारण स्वतः महापौर म्हणून तुम्ही दिलेली भेट’.
सौ. जयश्रीताईंनी औद्योगिक वसाहतीतील कोगटा उद्योग समूहाच्या गोपाल दालमिललाही भेट दिली. तेथील कर्मचार्‍यांना पुष्पगुच्छ देऊन सत्कार करत शुभेच्छा दिल्या. मात्र, यावेळी नामदेव कोळपे हे कर्मचारी भावविभोर होऊन बाजूला होऊन म्हणाले, ‘मी बर्‍याच दिवसांपासून दालमिलमध्ये कार्यरत आहे. परंतु महापौरपदावरील एका महिलेच्या हातून माझा सत्कार होतो, ही गोष्ट माझ्यासाठी अवर्णनीय आहे’. याप्रसंगी संचालक प्रेमभाऊ कोगटा, अनुप कोगटा, अतुल कोगटा व त्यांच्या सहकार्‍यांनीही महापौर सौ. जयश्रीताईंचा पुष्पगुच्छ देऊन सत्कार केला.
त्याचवेळी प्रेमभाऊ कोगटा यांनी ‘औद्योगिक वसाहतीतील उद्योगांना महापालिकेकडून वर्षानुयवर्षांपासून सतत मिळणारी सापत्नभावाची वागणूक थांबवून आतातरी आपल्या माध्यमातून सहकार्याचा हात मिळायला हवा. औद्योगिक वसाहतीतील खुल्या भूखंडांवर महापालिकेच्या माध्यमातून काही चांगले प्रोजेक्ट करता आले, तर त्यासाठी आम्हीही निश्चितपणे सहकार्य करू, अशी साद घालत महापौर सौ. जयश्रीताईंना आश्वस्त केले. तसेच आपल्या हातून औद्योगिक वसाहत असो की शहर जळगावकरांना नक्कीच कायम स्मरणात राहील, असे डोळ्यात साठवता येऊ शकेल, असे कार्य करण्याचे सुचविले’. यानंतर सौ. जयश्रीताई तेथून आपल्या निवासस्थानाकडे रवाना झाल्या.
जळगाव लाईव्ह न्यूज । ०१ मे २०२१ । जळगाव जिल्ह्यात कोरोना संसर्ग कमी होतानाचे दिसून येत आहे. आज सलग चौथ्या दिवशी जिल्ह्यात नव्या बाधितांपेक्षा बरे होणाऱ्यांचा आकडा अधिक आहे. आज दिवसभरात ९३६ रुग्ण आढळले आहे. तर आजच १ हजार ६१ रुग्णांनी कोरोनावर मात केली. गेल्या २४ तासांत १६ जणांचा मृत्यू झाला आहे.
जळगाव जिल्ह्यात कोरोना संसर्गाची तिव्रता मोठ्या प्रमाणात वाढली होती. मात्र तीन आठवड्यांपासून काहीअंशी कोरोना रुग्ण संख्या कमी होत असतांना दिसत आहे. तसेच बरे होणाऱ्यांचे प्रमाण देखील वाढले आहे. आज शनिवार तब्बल ८ हजार १७५ चाचन्याचे अहवाल प्राप्त झाले. त्यातील ९३६ नवे बाधित रुग्ण आढळून आले, त्यामुळे एकूण रुग्णसंख्या १ लाख २२ हजार ९४० वर पोचली.
तर आज १ हजार ६१ रुग्ण बरे झाल्यानंतर बरे होणाऱ्यांचा आकडा १ लाख १० हजार २२० वर गेला आहे. तर१६ जणांच्या मृत्यूने बळींची संख्या २ हजार २०० वर पोचली आहे. दरम्यान, जिल्ह्यात सध्या १० हजार ५२० रुग्णांवर उपचार सुरु आहे.
जळगाव जिल्ह्यात सुरवातील मोठे हॉटस्पॉट ठरलेल्या जळगाव शहरात गेल्या काही दिवसांपासून नव्या रुग्णांची संख्या कमी होत आहे व बरे होणारे वाढत आहेत. आज १५३ नवे रुग्ण आढळून आले आहे. तर आजच २१० रुग्ण बरे होऊन घरी गेले आहे. आज ४ रुग्णांचा मृत्यू झाला असून शहरात आतापर्यंत ५०६ जणांचा मृत्यू झाला आहे.
जळगाव शहरात १५३, जळगाव ग्रामीण ३६, भुसावळ १३१, अमळनेर ९६, चोपडा ४२, पाचोरा ५८, भडगाव १८, धरणगाव ३०, यावल ३३, एरंडोल २६, जामनेर ५२, रावेर ६५, पारोळा २२, चाळीसगाव ८६, मुक्ताईनगर २५, बोदवड ४८, अन्य जिल्ह्यातील १७ असे एकूण ९३६ रुग्ण आढळून आले आहे.
जळगाव लाईव्ह न्यूज । ०१ मे २०२१ । यावल येथील कृषी उत्पन्न बाजार समितीच्या वतीने तालुक्यातील न्हावी फैजपुर येथे लोक सहभागातुन उभारणीस येणाऱ्या कोवीड१९च्या रुग्णांसाठी ऑक्सीजन बेड सेन्टर आर्थिक मदत करण्यात आली आहे.
दरम्यान यावल येथील तहसील कार्यालयात आज कृषी उत्पन्न बाजार समितीच्या वतीने चेअरमन तुषार सांडुसिंग पाटील, कृउबाचे माजी सभापती तथा विद्यमान संचालक कृषी भुषण नारायण चौधरी यांच्यासह कृषी उत्पन्न बाजार समितीचे उपसचिव विजय कायस्थ आदींनी उपस्थित राहुन १० हजार रूपयांची मदत निवडणुक शाखेचे नायब तहसीलदार राहुल सोनवणे यांच्या स्वाधीन केले.
या प्रसंगी तहसीलचे कोषागार मुक्तार तडवी, सुयोग पाटील, संजय गांधी विभागाचे प्रफ्फुल कांबळे हे उपस्थित होते. दरम्यान फैजपुर विभागाचे प्रांत अधिकारी कैलास कडलग यांनी कोरोना बाधीत रुग्णांची ऑक्सीजन आणी वेळेवर होत नसलेल्या उपचाराअभावी होणारी भटकंती थांबविण्यासाठी लोक सहभागातुन जे.टी. महाजन अभियांत्रीकी महाविद्यालय फैजपुर तालुका यावल येथे कोवीड१९च्या रुग्णांसाठी ५० ऑक्सीजन बेड व ड्युरा सिलेंडर उभारणीचा संकल्प हाती घेत मदतीचे आवाहन केले असुन,यास रावेर व यावल तालुक्यातुन सामाजीक कार्यात सदैव अग्रेसर राहणारी दानसुर मंडळी कडुन चांगला प्रतिसाद यास मिळत आहे.
जळगाव लाईव्ह न्यूज । ०१ मे २०२१ । वीज बिल न भरल्याने महावितरणने नागरिकांविरुद्ध तक्रार केली असून महावितरण ने केलेली तक्रार मागे घेण्यासाठी हरीविठ्ठल येथील नागरिकांनी आज अजिंठा विश्रामगृह येथे पालकमंत्री गुलाबराव पाटील यांची भेट घेऊन सर्व प्रकार कथित केला.
मागिल वर्षापासून कोरोना महामारीमुळे सर्वच लॉकडाऊन असल्याने गोरगरीब जनतेची आर्थीक परिस्थिती खचलेली आहे. त्यामुळे वीज बिल भरणे त्यांना शक्य नाही यात वीज बिल न भरलेल्या नागरिकांची महावितरणने तक्रार केल्याने हतबल झालेल्या हरीविठ्ठल येथील नागरिकांनी अजिंठा शासकीय विश्रामगृह गाठत पालकमंत्री गुलाबराव पाटील यांची भेट घेत आपली व्यथा मांडली.
यावेळी नागरिकांनी महावितरणने केलेली तक्रार मागे घेण्यासाठी पालकमंत्री गुलाबराव पाटील यांना सांगितले पालकमंत्री यांनी लागलीच रामानंद पोलिस ठाण्याचे पोलीस निरीक्षक अनिल बडगुजर याच्याशी फोन वरून संवाद साधत कोरोना महामारी मुळे 2 ते 3 महीने या विषयावर महावितरण अभियंता यांच्या शी चर्चा करून मार्ग काढला जाणार आहे. तुम्ही नागरिकांना त्रास देऊ नका पालकमंत्री यांनी नागरिकांची बाजू मांडल्याने नागरिकांचे समाधान झोले.
यावेळी खंडेराव महाले यांचासह. मोतिलाल माधव, कुमावत, रवि रघूनाथ भामरे, बापू काशिनाथ महाले, किरण भागवत पाथरे, योगेश नरहरी कदम, पाडूरग बाबूराव बारी, संतोष भटू महाजन, नारायण बूधा माळी, प्रकाश बूधा महाजन,छटु त्रबक, नागरिक उपस्थित होते.
जळगाव लाईव्ह न्यूज । ०१ मे २०२१ । जळगावचे पालकमंत्री आणि शिवसेना नेते गुलाबराव पाटील यांनी राज्यातल्या लसीकरणावरून माजी मंत्री गिरीश महाजन यांच्यावर निशाणा साधला. गिरीशभाऊंना माझा सल्ला आहे. पश्चिम बंगालमध्ये अमित शहा यांनी गिरीशभाऊंना वर स्टेजवर बोलावले होते. जर त्याचा काही प्रभाव पडला असेल तर जास्तीत जास्त लस जळगावसाठी आणि महाराष्ट्रासाठी त्यांनी आणावी. गिरीशभाऊंनी आवश्यक तो लसींचा साठा महाराष्ट्रासाठी मिळवून दिला तर त्यांचा मी भरचौकामध्ये सत्कार करीन, अशी टीका गुलाबराव पाटील यांनी केली .
दरम्यान, राज्यात सुरू असलेला लसीकरणाचा कार्यक्रम आणि उपलब्ध होणारा लसीचा साठा या मुद्द्यावरून देखील गुलाबराव पाटील यांनी गिरीश महाजन यांच्यावर निशाणा साधला. “जर राज्य सरकार पूर्ण लसी घ्यायला तयार असेल, तर लस देण्याचा अधिकार कुणाला आहे हे मी सांगण्यापेक्षा गिरीशभाऊंना चांगलं माहिती आहे.
राजकारण कोण करतंय हे गिरीश भाऊंना माहिती आहे. जर लसी पूर्ण उपलब्ध असल्या, तर महाराष्ट्र सरकारची आरोग्य यंत्रणा एवढी सज्ज आहे की दोन ते अडीच महिन्यांत पूर्ण राज्याला लसीकरण करू शकते. पण जोपर्यंत लसीकरणाचा कोटा आपल्याकडे येत नाही, तोपर्यंत इथे परमेश्वर जरी आला, तरी लसीकरण पूर्ण होऊ शकत नाही”, असं ते म्हणाले.
जळगाव लाईव्ह न्यूज । ०१ मे २०२१ । स्व.निखिल एकनाथराव खडसे यांच्या आठव्या पुण्यस्मरण दिनानिमित्त आदिशक्ती मुक्ताई सह सूतगिरणी येथील “निखिलभाऊ खडसे स्मृतिस्थळ” येथे अभिवादन सभेचे आयोजन करण्यात आले होते.
यावेळी गुरुनाथ खडसे आणि जिल्हा बँक अध्यक्षा रोहिणी खडसे खेवलकर, जिल्हा अध्यक्ष रविंद्र भैय्या साहेब पाटील यांच्याहस्ते स्व. निखिल खडसे यांच्या पुतळ्यास पुष्पांजली अर्पण करून श्रद्धांजली वाहण्यात आली.
राष्ट्रवादी काँग्रेस पक्षातर्फे राष्ट्रवादी काँग्रेस पक्षाचे अध्यक्ष शरदचंद्र पवार यांच्या सुचने नुसार ब्लड फॉर महाराष्ट्र अभियान अंतर्गत स्व निखिलभाऊ खडसे यांच्या स्मृती प्रित्यर्थ राष्ट्रवादी काँग्रेस पक्ष मुक्ताईनगर तर्फे रेड प्लस ब्लड बँक जळगाव यांच्या सहकार्याने रक्तदान शिबिराचे आयोजन करण्यात आले होते
135 रक्तदात्यांनी केले रक्तदान
यावेळी श्रद्धांजलीपर मनोगत व्यक्त करताना रोहिणी खडसे खेवलकर म्हणाल्या स्व.निखिलभाऊ खडसे यांचा आदिशक्ती मुक्ताई सह सूतगिरणीच्या उभारणीत महत्वाचा वाटा होता. स्थानिकांना रोजगार उपलब्ध व्हावा हे त्यांचे स्वप्न होते सूतगिरणीच्या माध्यमातून ते पुर्ण होत आहे. निखिल भाऊ जि.प. सदस्य असताना त्यांनी उत्कृष्ठ कार्य केले.त्यांच्यात असलेल्या संघटन कौशल्या द्वारे त्यांनी युवकांचे मोठे संघटन उभे केले होते.
समाजातील प्रत्येक लहान थोर मंडळी सोबत त्यांचा संपर्क होता. प्रत्येक व्यक्ती सोबत ते कुठलाही अहंकार न बाळगता सदैव जिव्हाळ्याने संवाद साधत असत. प्रत्येकाच्या सुख दुःखात,गरजेच्या काळात धावून जात असत त्यांनी दाखवलेल्या समाजसेवेच्या मार्गावर आज आम्ही चालत आहोत. कोरोना काळात राज्यात भासत असलेला रक्ताचा तुटवडा दुर करण्यासाठी राष्ट्रवादी काँग्रेस पक्षाचे अध्यक्ष शरदचंद्र पवार यांच्या आवाहनानुसार राष्ट्रवादी काँग्रेस पक्षातर्फे ब्लड फॉर महाराष्ट्र अभियान चालवले जात आहे त्या अंतर्गत स्व निखिलदादा खडसे यांच्या स्मृती दिना निमित्त रक्तदान शिबिराचे आयोजन केले आहे. कोरोना सारख्या महामारीत रक्तसाठ्याची मोठा तुटवडा निर्माण झाला आहे.
रक्तदान शिबिराच्या माध्यमातून गरजु रुग्णांना रक्त उपलब्ध होईल स्व निखिल भाऊंना हिच खरी श्रद्धांजली ठरेल. यावेळी उपस्थितांनी दोन मिनिटे मौन बाळगून स्व.निखिल खडसे यांना श्रद्धांजली वाहिली.
यांची होती उपस्थिती
याप्रसंगी राष्ट्रवादी काँग्रेस पक्षाचे जिल्हाध्यक्ष रविंद्र भैय्यासाहेब पाटील, माजी आमदार मनिष जैन, जिल्हा उपाध्यक्ष विनोद तराळ,बाजार समिती सभापती निवृत्ती पाटील, नगराध्यक्ष नजमा तडवी,राष्ट्रवादी युवक काँग्रेसचे जिल्हाध्यक्ष रविंद्र नाना पाटील, महिला जिल्हाध्यक्ष वंदनाताई चौधरी जिल्हा सरचिटणीस ईश्वर रहाणे,विधानसभा क्षेत्र प्रमुख विजय सोनार, तालुकाध्यक्ष यु डी पाटील,युवक कार्याध्यक्ष दिपक पाटील,युवक जिल्हा उपाध्यक्ष पवन पाटील, सुनिल कोंडे,जि प सदस्य निलेश पाटील, वैशाली तायडे, माजी जि प सदस्य सुभाष पाटील,बारसु खडसे,अशोक लाडवंजारी,अशोक पाटील, सुनिल माळी,प स सदस्य किशोर चौधरी,माजी सभापती राजेंद्र माळी,विलास धायडे, नगरसेवक निलेश शिरसाट, बापु ससाणे,ललित महाजन,प्रवीण पाटील,माफदा तालुका अध्यक्ष रामभाऊ पाटील,महिला तालुकाध्यक्ष लता ताई सावकारे, युवक तालुकाध्यक्ष शाहिद खान, प्रदिप साळुंखे,संदिप देशमुख,योगेश कोलते,अतुल पाटील,शिवराज पाटील, विशाल महाराज खोले, विनोद सोनवणे,डॉ अभिषेक ठाकुर,व्हि सी चौधरी, संजय चौधरी, मनोज तळेले, संजय कपले,पांडुरंग नाफडे,चेतन राजपुत,सदानंद उन्हाळे,सुनिल काटे, सुभाष खाटीक, सोपान कांडेलकर,पप्पु बोराखडे, दिपक साळुंखे, हर्षल झोपे,राजेंद्र कापसे,मुन्ना बोडे, राजेश ढोले, प्रविण दामोदरे, सुशील भुते ,कल्पेश शर्मा, गोपाल गंगतिरे, प्रदिप बडगुजर, किरण वंजारी, रवी खेवलकर,दिलीप पाटील ,संजय माळी ,अक्षय माळी,शरीफ मेकॅनिकल उपस्थित होते.
जळगाव लाईव्ह न्यूज । ०१ मे २०२१ । मागील दोन दिवसांपासून जळगाव जिल्ह्यात उष्णतेच्या लाटेमुळे तापमानाचा पारा ४५ अंशांपर्यंत वाढला आहे. सकाळपासूनच उन्हाच्या तीव्र झळांनी तसेच उकाड्याने जळगावकर चांगलेच हैराण झाले. मात्र, आज शनिवारी जळगाव जिल्ह्यात सकाळपासूनच ढगाळ वातावरण असल्यामुळे नागरिकांना उकाड्यापासून बऱ्यापैकी दिलासा मिळाला.
जिल्ह्यात येत्या तीन दिवसांत अवकाळी पावसाचा अंदाज हवामान खात्याने वर्तवला असून, सायंकाळच्या वेळेस जिल्ह्याच्या अनेक भागांमध्ये वादळी पावसाचा अंदाज हवामान खात्याने वर्तवला आहे. त्यामुळे जळगावकरांना उकाड्यापासून काहीसा दिलासा मिळणार आहे.
एप्रिल महिन्याच्या पहिल्या आठवड्यापासून जिल्ह्यात तापमानाने चाळिशी पार केली आहे. त्यात गेल्या आठवडाभरापासून जिल्ह्यात उष्णतेच्या लाटेमुळे नागरिक त्रस्त आहेत. तापमानाचा पारा ४५ अंशापर्यंत पोहोचला आहे, त्यातच जिल्ह्यात १८ ते २० कि.मी. वेगाने उष्ण वारे वाहत असल्याने घरात थांबनेदेखील कठीण झाले आहे. विशेष म्हणजे सकाळी ९ वाजेपासून उन्हाची तीव्रता जाणवत असून, रात्री १० वाजेपर्यंतदेखील उष्णतेचा झळा कायम असल्याने, नागरिकांचे उकाड्यामुळे हाल होत आहेत. मात्र, आज जिल्ह्यात सकाळपासून ढगाळ वातावरण असल्याने नागरिकांना उकाड्यापासून काहीसा दिलासा मिळाला आहे.
दरम्यान, राज्यातील अनेक जिल्ह्यांमध्ये पुढच्या दोन दिवसांमध्ये विजेच्या कडकडाट आणि ढगांच्या गडगडाटासह पावसाची शक्यता वर्तवण्यात आली आहे. सांयकाळी आणि रात्रीच्या वेळी पाऊस विजांच्या कडकडाटासह हजेरी लावण्याची शक्यता आहे.
जळगाव लाईव्ह न्यूज । ०१ मे २०२१ । जळगाव पीपल्स बँकेच्या चेअरमनपदी अनिकेत पाटील व व्हाइस चेअरमनपदी डॉ. प्रकाश कोठारी यांची सर्वानुमते निवड करण्यात आली आहे. नवनियुक्त संचालक मंडळाच्या पहिल्याच सभेचे आयोजन शुक्रवारी करण्यात आले होते. या सभेत ही निवड करण्यात आली.
जळगाव पीपल्स बँकेचे संचालक मंडळ सदस्यांची निवडणूक प्रक्रिया गेल्या आठवड्यात पार पडली होती. सर्व निवडणूक प्रक्रिया ही बिनविरोध पार पडली असून, शुक्रवारी चेअरमन व व्हाइस चेअरमनपदाची देखील निवडप्रक्रिया पार पडली आहे. चेअरमनपदी निवड झालेले अनिकेत पाटील हे बँकेचे माजी चेअरमन भालचंद्र पाटील यांचे सुपुत्र आहेत. बँकेचा आजवरच्या इतिहासातील सर्वात कमी वयात चेअरमनपदी विराजमान झालेले अनिकेत पाटील पहिलेच संचालक ठरले आहेत, तर व्हाइस चेअरमनपदी निवड झालेले डॉ. प्रकाश कोठारी हे चार्टर्ड अकाउण्टण्ट आहेत. नवनिर्वाचित चेअरमन व संचालक मंडळाचा बँकेतर्फे व कर्मचाऱ्यांचा सत्कार करण्यात आला.
यावेळी बँकेचे सभासद व हितचिंतक उपस्थित होते. माजी चेअरमन भालचंद्र पाटील यांनी सलग १५ वर्षे सर्वाधिक काळ बॅंकेचे चेअरमनपद भूषवले आहे. मल्टिस्टेट को-ऑप. सोसायटी कायद्यानुसार दोन कालावधीपेक्षा जास्त कार्यकाळ चेअरमनपदी राहू शकत नसल्याने बँकेच्या संचालक मंडळाने बँकेचे नेतृत्व सर्वानुमते अनिकेत पाटील यांच्याकडे सोपविले आहे.
