जळगाव लाईव्ह न्यूज । १८ सप्टेंबर २०२२ । सध्याच्या काळात महागाई खूपच वाढली आहे. या महागाईचा फटका शिक्षणाला देखील बसला. आपल्या देशातील बहुतेक पालकांना त्यांच्या मुलांना सर्वोत्तम शिक्षण द्यायचे आहे. मात्र उच्च दर्जाचे शिक्षण सहसा बरेच महाग असते. त्यामुळे देशभरातील हजारो मुले दरवर्षी पैशाअभावी शिक्षणाला मुकतात. दरम्यान, जर तुम्हाला तुमच्या मुलांना चांगले शिक्षण द्यायचे असेल आणि तुमच्याकडे पैसे नाहीत तर तुम्हाला काळजी करण्याची गरज नाही. यासाठी देशातील काही बँका मुलांच्या चांगल्या शिक्षणासाठी कमी व्याजावर शैक्षणिक कर्ज देत आहेत. ज्याच्या मदतीने आता तुम्ही बँकेकडून शैक्षणिक कर्ज (Education Loan) घेऊन तुमच्या मुलांना चांगले शिक्षण मिळवून देऊ शकाल.
खरंतर भारतात, अभ्यासक्रम आणि पदवी अभ्यासासाठी शैक्षणिक कर्जाची प्रथा आता सामान्य झाली आहे. शैक्षणिक कर्जे सहसा अभ्यासक्रमाशी संबंधित खर्चासाठी वापरली जातात, ज्यात शिकवणी, निवास, कपडे, लायब्ररी आणि प्रयोगशाळांसाठी शुल्क, पुस्तके आणि बरेच काही समाविष्ट आहे. येथे आम्ही तुम्हाला त्या बँकांच्या यादीबद्दल सांगत आहोत. जे मुलांच्या शिक्षणासाठी कमी व्याजदरात शैक्षणिक कर्ज देत आहेत.
सेंट्रल बँक ऑफ इंडिया (Central Bank Of India)
आकडेवारीनुसार, मुलांना चांगले शिक्षण मिळावे, यासाठी सेंट्रल बँक ऑफ इंडिया सर्वात कमी 6.95 टक्के व्याजदराने शैक्षणिक कर्ज देत आहे. बँक 7 वर्षांसाठी 20 लाखांपर्यंत कर्ज देते. ज्याची परतफेड समान मासिक हप्त्यात (रु. 30,136) केली जाऊ शकते.
पंजाब नॅशनल बँक (Punjab National Bank)
पंजाब नॅशनल बँक (PNB) 7.45% व्याज दराने शैक्षणिक कर्ज देत आहे. 20 लाखांच्या कर्जासाठी एकूण EMI 30,627 रुपये आहे.
एसबीआय (State Bank Of India)
SBI विद्यार्थ्यांना 7.5% व्याज दराने शैक्षणिक कर्ज देते, जे सामान्यपेक्षा किंचित जास्त आहे. या कर्जाची ईएमआय 30,677 रुपये आहे. याशिवाय युनियन बँक ऑफ इंडिया आणि आयडीबीआय बँक देखील समान व्याजदरावर शैक्षणिक कर्ज देतात.
इंडियन बँक (Indian Bank)
इंडियन बँक 20 लाख रुपयांच्या सात वर्षांच्या कर्जासाठी 7.9% व्याज दर आकारते. त्याची ईएमआय 31,073 रुपये आहे.
बँक ऑफ बडोदा (Bank Of Baroda)
बँक ऑफ बडोदा सात वर्षांच्या कालावधीसाठी 20 लाख रुपयांच्या शैक्षणिक कर्जावर 7.9% व्याज दर आकारते. बँक ऑफ बडोदा कर्जाची ईएमआय 31,073 रुपये आहे.
बँक ऑफ इंडिया (Bank Of India) : या सरकारी बँकेचा व्याजदर ८.२५ टक्के आहे. त्याची EMI एकूण 31,422 रुपये आहे.
कॅनरा बँक(Canara Bank)
कॅनरा बँकेकडून 20 लाख शैक्षणिक कर्ज सात वर्षांच्या परतफेडीच्या कालावधीसह 8.3% व्याजदर देते. त्याच्या कर्जाची एकूण ईएमआय 31,472 रुपये आहे.
बँक ऑफ महाराष्ट्र (Bank Of Maharashtra)
विद्यार्थी कर्जासाठी बँक ऑफ महाराष्ट्रचा व्याजदर ८.३५% आहे. त्याचे मासिक पेमेंट 31,522 रुपये आहे.
