जळगाव लाईव्ह न्यूज । ३० मार्च २०२१ । शहर मनपा महापौर पदाच्या निवडणूकमध्ये शिवसेनेच्या उमेदवारांना मतदान केल्याकारणाने पक्ष प्रमुखांनी जळगाव येथील एमआयएमच्या ३ नगरसेवकांना व जिल्हाअध्यक्षांना कारणे दाखवा नोटीस बजावली होती. नगरसेवकांवर निलंबनाची तात्पुरती कारवाई केल्यानंतर जिल्हाध्यक्षांना पदावरून हटविण्यात आल्याची चर्चा आहे. जळगाव जिल्हाध्यक्ष पदासाठी ऍड.इम्रान हुसैन यांच्या नावाची चर्चा आहे.
एमआयएमच्या चारही पदाधिकाऱ्यांनी नोटिसला उत्तर देत औरंगाबाद येथे दि.२१ रोजी प्रत्यक्षात आपले म्हणणे मांडले होते. या सर्व घडामोडीमध्ये एमआयएम जिल्हाध्यक्ष जिया बागवान यांना पदावरून हटविण्यात आल्याची माहिती सूत्रांनी दिली असून त्यांच्या जागी जिल्हाअध्यक्ष पदासाठी अँडव्होकेट इम्रान हुसैन यांच्या नावाची चर्चा सुरू आहे. येत्या काही दिवसात पक्षश्रेष्ठी यावर आपला निर्णय जाहीर करतील.
