जळगाव लाईव्ह न्यूज । ६ मार्च २०२१ । भुसावळ नगरपरीषदेने आज मालमत्ता कर व दुकान भाडे थकबाकी असणाऱ्या व्यापाऱ्यांची ११ दुकाने सील केली आहे.
अधिक माहिती अशी की, भुसावळ नगरपरिषदेचे भुसावळ शहरात एकूण १२२० संकुले आहेत.यातील थकबाकी असणाऱ्या व्यापाऱ्यांना नगरपरिषदेतर्फे त्वरित थकबाकी भरण्या संदर्भात सूचना देऊन नोटीस बजविण्यात आल्या होत्या.यानंतरही मोठे थकबाकीदारांची रक्कम अदा न केल्यामुळे आज दिनांक ६ मार्च २०२१ रोजी सकाळी ११ वाजेच्या सुमारास मुख्याधिकारी संदीप चिंद्रवार यांच्या आदेशाने शहरातील संतोष चौधरी म्युनिसिपल मार्केट,स्व.छबिलदास चौधरी कपडा मार्केट,बाबा तुळसीदास उदासी मार्केट,छत्रपती शिवाजी मार्केट,महात्मा फुले मार्केट डी.एस.हायस्कुल जवळील असे मार्केट मधून दुकान भाडे ६२,९७७ रोख रक्कम व ०४,०३,२६८ चेकव्दारे तर मालमत्ता कर ५२,२९९ रोख रक्कम व ०१,०५,६५२ चेकव्दारे स्वीकारून एकूण ०६,२४,१९६ एवढी रक्कम मोठे थकबाकीदार यांच्यावर उपमुख्याधिकारी महेंद्र कतोरे, संकीर्ण विभाग प्रमुख रामदास म्हस्के,लिपिक – शिपाई गोपाल पाली, मोहन भारंबे, अनिल भाकरे, जय पिंजारी,धर्मेंद्र खरारे अशांनी मिळून वसूल केली.
तर काही थकबाकीदारांनी नगरपरिषदेचा मालमत्ता कर व दुकान भाडे अदा न केल्याने पथकाने पाच मार्केट मधील ११ दुकानांना सील लावले आहे. सदरची कारवाई ३१ मार्च २०२१ च्या पाश्वभूमीच्या आधारे करण्यात येत आहे. तसेच भुसावळ शहरातील इतर थकबाकी व्यापाऱ्यांनी कटू प्रसंग टाळण्यासाठी लवकरात- लवकर थकबाकी भरावी असे आवाहन कर वसुली विभागामार्फत करण्यात आले आहे.
