जळगाव लाईव्ह न्यूज । २५ जानेवारी २०२२ । यावल येथील एसटी आगारात आंदोलनात सहभागी कर्मचाऱ्यांची खासदार रक्षा खडसे यांनी भाजप पदाधिकाऱ्यांसह भेट घेतली. यावेळी संपामुळे कुटुंबाच्या उदरनिर्वाहाचा प्रश्न गंभीर झालेल्या कर्मचाऱ्यांना किराणा किटचे वितरण करण्यात आले. यात १८५ कर्मचाऱ्यांना किट देण्यात आले. उर्वरित कर्मचाऱ्यांनाही हे किट दिले जाणार असल्याचे प्रतिपादन दिले.
राज्य परिवहन (एसटी) महामंडळाचे शासनात विलीनीकरण करण्याच्या मागणीसाठी अडीच-तीन महिन्यांपासून एसटी कर्मचारी संपावर असून आंदाेलन करत आहेत. संप काळामध्ये त्यांच्या कुटुंबाचा उदरनिर्वाहाचा प्रश्न गंभीर बनला आहे. परंतु तरी कर्मचारी आंदोलनावर ठाम आहेत. या आंदोलकांना यापूर्वीच भाजपने पाठिंबा दिला आहे. सोमवारी येथील एसटी आगारात खासदार रक्षा खडसे यांनी भेट दिली. संपावर असलेल्या कर्मचाऱ्यांना दिलासा मिळावा या उद्देशाने त्यांना किराणा किटचे वितरण केले.
या प्रसंगी जि.प.सभापती रवींद्र पाटील, जि.प.सदस्य सविता भालेराव, पं.स. सभापती पल्लवी चौधरी, उपसभापती योगेश भंगाळे, पं.स.सदस्य दीपक पाटील, जिल्हा उपाध्यक्ष हिरालाल चौधरी, माजी नगराध्यक्ष पिंटू राणे, नारायण चौधरी, डॉ.कुंदन फेगडे, बाजार समितीचे उमेश पाटील, राकेश फेगडे, पुरूजित चौधरी, विलास चौधरी, डॉ.नीलेश गडे, उमेश फेगडे, बाळू फेगडे, सागर कोळी, रितेश बारी, योगेश चौधरी, परेश नाईक, किरण महाजन, व्यंकटेश बारी आदी उपस्थित हाेते.
हे देखील वाचा :
- आज धनत्रयोदशी! जाणून घ्या पूजाविधी आणि शुभ मुहुर्त..
- उत्तर महाराष्ट्रातून लोकमत खान्देश पॉलिटिकल आयकॉन पुरस्काराने अमोल शिंदे सन्मानित
- जळगावच्या ज्येष्ठ नागरिकांना आता कोल्हापूरच्या महालक्ष्मीचे दर्शन घेण्याची संधी, ६ ऑक्टोबरपर्यंत करा अर्ज
- दहाव्या अजिंठा वेरूळ आंतराष्ट्रीय चित्रपट महोत्सवाच्या मानद अध्यक्षपदी प्रसिध्द दिग्दर्शक आशुतोष गोवारीकर यांची नियुक्ती
- ना.गुलाबराव पाटील यांच्या पुढाकाराने 3 हजार वारकऱ्यांना पंढरपूर वारी
