जळगाव लाईव्ह न्यूज । २ जानेवारी २०२१ । शिक्रापूर पोलिस ठाण्यात दाखल असलेल्या गुन्ह्या प्रकरणी अटक असलेले बीएचआर घोटाळ्यातील मुख्य संशयित तथा तत्कालीन अवसायक जितेंद्र कंडारे याला शनिवारी न्यायालयीन कोठडी सुनावत कारागृहात रवानगी करण्यात आली.
कंडारेविरुद्ध डेक्कन पोलिस ठाण्यात दाखल असलेल्या गुन्ह्यात २५ डिसेंबर रोजी जामीन मिळाला तर २५ रोजी त्याला शिक्रापूर पोलिस ठाण्यात दाखल असलेल्या गुन्ह्यात अटक केली. संतोष काशीनाथ कांबळे यांनी शिक्रापूर पोलिस ठाण्यात फिर्याद दिली आहे. त्यांनी बीएचआरमध्ये ठेवलेली १८ लाख ७ हजार १५९ रुपये परत मिळालेले नाहीत. दरम्यान, या गुन्ह्यात सुरूवातीला त्याला पाच व नंतर चार अशा एकुण नऊ दिवसांची कोठडी न्यायालयाने सुनावली.
यात काही महत्त्वाचे पुरावे पोलिसांनी मिळवले. शनिवारी कोठडीची मुदत संपल्याने त्याला न्यायाधीश एस.एस. गोसावी यांच्या न्यायालयात हजर करण्यात आले. सुनावणीअंती त्याची कारागृहात रवानगी करण्यात आली. सरकार पक्षातर्फे ऍड. प्रवीण चव्हाण यांनी काम पाहिले.
हे देखील वाचा :
- जळगावात जिओ टॉवरच्या जनरेटरमधून डिझेल चोरी करणारा जेरबंद
- Jamner : टायर फुटला अन् पोषण आहाराचा टेम्पो पलटी; दोन हमालांचा जागीच मृत्यू
- मेहुणबारे पोलिसांकडून गुटखा तस्करीचा पर्दाफाश; ४.४७ लाखांचा मुद्देमाल जप्त
- कासोदा शिवारातील २३ शेळ्या-बोकड चोरीचा छडा; मध्यप्रदेशातून दोघे गजाआड
- जळगावात प्रेमसंबंधाच्या वादातून विवाहित महिलेचे अपहरण करून खून; आरोपी जेरबंद
