जळगाव लाईव्ह न्यूज । ४ मार्च २०२१ । जळगाव येथील मुलींच्या आशादीप शासकीय वसतिगृहात पोलीस कर्मचाऱ्यांनी मुलींना कपडे काढून नृत्य करायला लावण्याचा प्रकार उघडकीस आल्यानंतर खळबळ उडाली आहे.
दरम्यान, विरोधी पक्षाने या घटनेवरून सत्ताधारी पक्षाला धारेवर धरले होते. मात्र तशी कोणतीही घटना घडलीच नाही असं म्हणत अशी माहिती राज्याचे गृहमंत्री अनिल देशमुख यांनी जळगाव शासकीय वसतिगृह प्रकरणी क्लीन चीट दिली आहे.
याप्रकरणी अधिक तपास करण्यासाठी शासनाकडून महिला अधिकाऱ्यांची समिती नेमण्यात आली होती. सदर महिला अधिकाऱ्यांनी सादर कलेला अहवाल गृहमंत्र्यांनी सभागृहाच्या पटलावर ठेवला आहे. यावेळी पोलीस अधिकारी महिला वसतिगृहात आत जाऊ शकत नाहीत असं देशमुख यांनी म्हटलं आहे.
