जळगाव लाईव्ह न्यूज । २५ जानेवारी २०२१ । कारने दिलेल्या धडकेत दुचाकीवरील महिलासह दोन जणांच्या पायाला गंभीर दुखापत झाली. ही घटना जळगावमधील अजिंठा चौकातील ट्रान्सपोर्ट नगरजवळ महामार्गावर घडली असून याबाबत एमआयडीसी पोलीस ठाण्यात अज्ञात कार चालकावर गुन्हा दाखल करण्यात आला आहे.
याबाबत असे की, सोमवारी २४ जानेवारी रोजी सायंकाळी ४.३० वाजेच्या सुमारास जात असतांना अजिंठा चौफुलीच्या पुढे असलेल्या ट्रान्सपोर्ट नगरजवळील महामार्गावर भुसावळकडून भरधाव वेगाने येणाऱ्या कार (एमएच १५ एचक्यू ०९५७) ने दुचाकी(एमएच १९ डीजी ५४९३) ला जोरदार धडक दिली. सोनाली गणेश लोखंडे (वय ४१, रा. अशोकनगर, अयोध्यानगर जळगाव) त्यांचा मुलगा जयेश व बहिणीचा मुलगा वैभव असे तीघे (एमएच १९ डीजी ५४९३) हे जखमी झाले.
या धडकेत दुचाकीवरील तिघे रस्त्याच्या मधोमध फेकले गेले. यात जयेश आणि वैभव हे दोघांच्या पायाला गंभीर दुखापत झाली. या प्रकरणी सोनाली लोखंडे यांनी सोमवारी २४ जानेवारी रोजी कारचालकाविरूध्द तक्रार दिली. त्यांच्या फिर्यादीवरुन एमआयडीसी पोलिस ठाण्यात गुन्हा दाखल करण्यात आला आहे. पुढील तपास विजय पाटील तपास करीत आहेत.
हे देखील वाचा :
- भुसावळातील खून प्रकरणात 5 संशयित पोलिसांच्या जाळ्यात ; 4 पिस्तूल अन् 3 काडतूस जप्त
- Gold Rate : आठवड्याच्या सुरुवातीलाच सोन्याचा भाव घसरला; खरेदीला जाण्यापूर्वी वाचा आजचा भाव
- आजचे राशिभविष्य १३ जानेवारी २०२४ : आज आर्थिक लाभ होण्याची शक्यता, या गोष्टीपासून सावधान राहा..
- धक्कादायक ! महाकुंभला जाणाऱ्या रेल्वेवर जळगावमध्ये दगडफेक, प्रवाशांमध्ये भीतीचे वातावरण
- वरणगाव येथील बनावट पत्त्यावर पाठविण्यात येणारा बायोडिझेलचा टँकर जप्त
