⁠ 
सोमवार, मे 27, 2024

रोटावेटरमध्ये अडकून ट्रॅक्टर चालकाचा ठार ; यावल तालुक्यातील घटना

जळगावातील बातम्यांसाठी ग्रुप जॉईन करा
WhatsApp Group Join Now
Google News Join Now

जळगाव लाईव्ह न्यूज । १५ मे २०२४ । यावल तालुक्यातील डांभुर्णी येथे शेतात रोटावेटर करीत असताना चालकाचा तोल जाऊन पडल्याने रोटावेटरमध्ये अडकून मृत्यू झाला. विजय जानकीराम कोळी (२५) असे मृताचे नाव असून याबाबत यावल पोलिसात नोंद करण्यात आली आहे.

डांभुर्णी येथील विजय कोळी हा रोटावेटर करीत होते. तोल जाऊन मागे पडल्याने ते रोटावेटरमध्ये अडकले. यात त्यांचा जागीच मृत्यू झाला. याबाबत केतन रेवा फालक यांनी दिलेल्या खबरीवरून यावल पोलिसात आकस्मिक मृत्यूची नोंद करण्यात आली आहे. यावल ग्रामीण रुग्णालयात शवविच्छेदन करून मृतदेह नातेवाइकांच्या ताब्यात देण्यात आला. डांभुर्णी येथे अंत्यसंस्कार करण्यात आले. विजय कोळी यांच्या पश्चात आई, वडील, भाऊ, वहिनी असा परिवार आहे.

तर वाचले असते प्राण
कोरोना काळात डांभुर्णीमध्ये एका बालकाची हत्या झाली होती. त्यातअटकेतील संशयिताला ताब्यात द्यावे, या कारणावरून नागरिकांनी पोलिसांवर दगडफेक केली होती. या गुन्ह्यात संशयित म्हणून विजय कोळी याला अटक झाली होती. तो धुळे कारागृहात होता. तेथून काही महिन्यांपूर्वी पॅरोल रजेवर घरी आला
होता. रजा संपल्यावर तुरुंगात न गेल्याने गेल्या आठवड्यात पोलिसांनी त्यास नोटीस दिली होती. यानंतर तो तुरूंगात गेला असता तर आज कदाचित जिवंत असता.