जळगाव लाईव्ह न्यूज । ९ डिसेंबर २०२१ । पारोळ्याहून अमळनेरकडे येणाऱ्या बसवर (क्र. एमएच ४० एन ९०८२) अज्ञात दोन जणांनी दगडफेक केल्याची घटना ८ रोजी दुपारी १२ वाजता तपोवन रत्नापिंप्रीजवळ घडली. यात बसचालक रवींद्र सुरसिंग पाटील हे जखमी झाले. घटनेनंतर बस पारोळा पोलीस ठाण्यात आणण्यात आली.
दरम्यान, दगडफेक होताच बस थांबली आणि दगडफेक करणारे मोटारसायकलने पसार झाले. या प्रकाराची माहिती मिळताच पोलीस निरीक्षक संतोष भंडारे व पथक घटनास्थळी दाखल झाले. या प्रकरणी अज्ञात दोन जणांविरुद्ध गुन्हा दाखल करण्यात आला आहे.
---Advertisement---
