जळगाव लाईव्ह न्यूज । १४ मार्च २०२१ । नुकत्याच झालेल्या अर्थसंकल्पीय अधिवेशनात पाचोरा – भडगाव मतदार संघातील विविध विकास कामांना निधी मिळाला असून यासाठी आमदार किशोर पाटील यांनी पाठपुरावा केला होता. यात १९ ठिकाणी सुमारे १६ कोटी ५० लक्ष रुपयांच्या साठवण बंधारे (सिमेंट बांध) कामांना मंजुरी मिळाली आहे.
असून लवकरच या कामांना सुरुवात होणार असल्याने मतदार संघातील सिंचनाला क्षमता वाढण्यास चालना मिळणार आहे. पर्यायाने मतदार संघ सुजलाम सफलाम होण्यास मदत मिळणार आहे. ही कामे मंजुरी साठी मुख्यमंत्री उद्धव ठाकरे, उपमुख्यमंत्री अजित पवार, जलसंधारण मंत्री शंकरराव गडाख, नगरविकास मंत्री एकनाथ शिंदे, पालकमंत्री गुलाबराव पाटील यांचे सहकार्य मिळाल्याने त्यांचे आभार व्यक्त करण्यात आले आहे.
या अर्थसंकल्पात मंजुरी मिळालेल्या साठवण बंधाऱ्यांच्या कामात नेरी – १ येथे भाऊसाहेब रामराव पाटील यांच्या शेताजवळ, दुसखेडा येथे बाजीराव महाजन व छगन महाजन यांचे शेताजवळ, पिंप्री येथे गावाजवळील विहिरी जवळ, संगमेश्वर येथे वाल्मिक पाटील चुडामन पाटील यांचे शेताजवळ , होळ येथे साठवण बंधारा, सातगाव (डोंगरी) – १ येथे नारायण वाघ, भगवान पाटील यांचे शेता जवळ, सातगाव (डोंगरी) – २ विक्रम आबा, बेबाबाई चुडामन पाटील यांचे शेता जवळ, सातगाव (डोंगरी) – ३ येथे तुकाराम मोटे, भास्कर लुकडू यांचे शेता जवळ, भडगाव येथे खारे नाल्याजवळ, गुढे येथे जगन्नाथ फकिरा पाटील यांचे शेताजवळ, खाजोळा – २ येथे गोरख पाटील, भाऊसाहेब पाटील यांचे शेताजवळ, खाजोळा – ३ येथे नंदू सूर्यवंशी, शांताराम पाटील यांचे शेता जवळ, चिंचखेडा खु” येथे गोपीचंद पाटील, बापू देशमुख यांचे शेताजवळ, नगरदेवळा १ – येथे सुनील काटकर, अण्णा पाटील यांचे शेता जवळ, नगरदेवळा – २ मनीष डगवाले, विजय बोरसे यांचे शेताजवळ, टाकळी बु” – २ येथे भाचा कोळी, दिलीप मटरे यांचे शेता जवळ, पाचोरा येथे रामचंद्र चौधरी, धनराज चौधरी यांचे शेता जवळ, वडगाव टेक – १ येथे व वडगांव टेक – २ येथे कोकिळाबाई पाटील, प्रमोद पाटील यांच्या शेता जवळील या साठवण बंधाऱ्यांच्या कामांना मंजुरी मिळाली आहे.
