जळगाव लाईव्ह न्यूज । १२ मे २०२१ । कोरोनाच्या पार्श्वभूमीवर शासनाने अनेक निर्बंध लागू केलेले आहे. हॉटेल आणि मद्य विक्री दुकानांना देखील केवळ होम डिलेव्हरी करण्याच्या सूचना देण्यात आलेल्या आहेत.
जळगाव शहरात मात्र चित्रा चौकात असलेल्या नीलम वाईन शॉपमधून चक्क शटर उचकावून मद्य विक्री केली जात असल्याचा धक्कादायक प्रकार समोर आला आहे. दरम्यान, वाईन शॉपच्या व्यवस्थापकाला याबाबत विचारणा केली असता सदरील दुकान आमदार राजुमामा भोळे यांचे असल्याचे त्याने सांगितले. प्रशासन पुढे काय कारवाई करणार हे पाहणे औत्सुक्याचे ठरणार आहे.
