जळगाव लाईव्ह न्यूज । ११ जून २०२१ । शहरातील दूध फेडरेशन समोर असलेल्या रेल्वे क्वार्टरमध्ये राहणाऱ्या एका रेल्वे कर्मचाऱ्याने गळफास घेऊन आत्महत्या केल्याची घटना आज सकाळी उघडकीस आली.
शिवाजीनगर परिसरात असलेल्या दुध फेडरेशन समोर रेल्वे कॉटर आहेत. रेल्वे कर्मचारी अरविंदकुमार हरिप्रसाद शहा (वय -२६) यांनी राहत्या घरात गळफास घेत आत्महत्या केली. शुक्रवारी सकाळी ७.३० च्या सुमारास घडलेला प्रकार उघडकीस आला. याप्रकरणी शहर पोलिसात अकस्मात मृत्यूची नोंद करण्यात आली आहे.
