जळगाव लाईव्ह न्यूज । २१ डिसेंबर २०२५ । राज्यासह जळगाव जिल्ह्यातील १८ नगरपरिषद व नगरपंचायतीच्या निवडणुकीचा निकाल आज १० वाजेला लागणार आहे. असून या निवडणुकीचा एक्झिट पोल नुसार जिल्ह्यात भाजप हा निर्विवादपणे क्रमांक एकचा पक्ष राहील असा अंदाज आहे.
तर दुसऱ्या क्रमांकावर शिंदेसेना असेल, असा अंदाज वर्तवला जातोय. एक्झिटनुसार महाविकास आघाडीला जिल्ह्यात धक्का बसल्याची दिसून येतेय.
एक्झिट पोलच्या अंदाजानुसार जिल्ह्यात भाजप ९ जागा तर शिवसेना ७, राष्ट्रवादी १ व अपक्ष १ अशा जागा जिंकू शकेल असे म्हटले आहे. मात्र एक्झिट पोलचे हे अंदाज कितपत खरे ठरतात याची उत्सुकता असेल.
जळगावमधील जामनेरमध्ये भाजपने आधीच आघाडी घेतली असून तेथे भाजपचे नेते मंत्री गिरीश महाजन यांची पत्नी साधना महाजन या बिनविरोध निवडून आल्या आहेत. आज सकाळी १० वाजता स्थानिक निवडणूक अधिकारी याबाबत घोषणा करतील.
