जळगाव लाईव्ह न्यूज । ९ जानेवारी २०२२ । पाराेळा तालुक्यातील टिटवी येथे ७ रोजी सरपंच पदाची निवडणूक पार पडली. यात जागृती विनोद पाटील यांचा सरपंच पदासाठी एकमेव अर्ज आल्याने त्यांची बिनविरोध निवड घोषित करण्यात आली.
दरम्यान, टिटवीच्या पोलिस पाटील पदाचा कारभार विनोद पाटील पाहत असून त्यांची पत्नी जागृती पाटील यांची सरपंचपदी निवड झाल्याने पतीवर गावाची कायदा सुव्यवस्था सांभाळण्याची तर पत्नीवर गावाच्या सर्वांगीण विकासाची जबाबदारी आली आहे. एकाच घरात गावाची प्रमुख दोन पदे आल्याने तालुक्यात चर्चा व काैतुकाचा विषय ठरत आहे.
अध्यासी अधिकारी म्हणून मंडल अधिकारी व्ही. एन. राठोड यांनी काम पाहिले तर तलाठी एस. व्ही. वाघमारे, ग्रामसेवक आर. डी. पाटील त्यांना सहकार्य केले. यावेळी उपसरपंच दगडू पाटील, ग्रामपंचायत सदस्य प्रकाश पवार, किरण माळी, सुनीता माळी, कोकिळा सोनवणे, मीनाबाई पाटील, युवराज सोनवणे, मानसिंग पवार, सुदाम पवार, गोविंद पवार, प्रेम पवार, महेंद्र खैरनार, तसेच माजी सभापती विजय पाटील, माजी जिल्हा परिषद सदस्य पांडुरंग पाटील, माजी सरपंच पुंडलिक पाटील, छोटू माळी, सुधाकर माळी, विनोद पाटील, उदय पाटील, भाऊसाहेब पाटील, रवींद्र पाटील, कमलाकर पाटील, संजय मगर, सतीश पाटील, अमोल पाटील, लोमेश पाटील, सोमनाथ माळी, भरत पाटील, निंबा पाटील, गोरख पाटील, मनोहर पाटील, राजेंद्र पाटील, भगवान पाटील, समाधान मगर, सतीश कोळी, भरत पाटील, विशाल महाजन, मनोज लोहार व ग्रामस्थ उपस्थित होते.
यावेळी नवनिर्वाचित सरपंच जागृती पाटील यांचा पुष्पगुच्छ देऊन सत्कार करण्यात आला. या निवडीबद्दल जागृती पाटील यांचे आमदार चिमणराव पाटील व पारोळा बाजार समितीचे सभापती अमोल पाटील, जिल्हा नियोजन समितीचे सदस्य विजय पाटील यांनी काैतुक केले.
हे देखील वाचा :
- आज धनत्रयोदशी! जाणून घ्या पूजाविधी आणि शुभ मुहुर्त..
- उत्तर महाराष्ट्रातून लोकमत खान्देश पॉलिटिकल आयकॉन पुरस्काराने अमोल शिंदे सन्मानित
- जळगावच्या ज्येष्ठ नागरिकांना आता कोल्हापूरच्या महालक्ष्मीचे दर्शन घेण्याची संधी, ६ ऑक्टोबरपर्यंत करा अर्ज
- दहाव्या अजिंठा वेरूळ आंतराष्ट्रीय चित्रपट महोत्सवाच्या मानद अध्यक्षपदी प्रसिध्द दिग्दर्शक आशुतोष गोवारीकर यांची नियुक्ती
- ना.गुलाबराव पाटील यांच्या पुढाकाराने 3 हजार वारकऱ्यांना पंढरपूर वारी
