जळगाव लाईव्ह न्यूज । ९ जून २०२४ । भारतीय सराफा बाजार सातत्याने वेगाने वाढत आहे. मात्र गेल्या काही दिवसांपासून त्यात घट झाली आहे. असे असतानाही सोने-चांदीचे भाव गगनाला भिडलेले आहेत. सोन्याचा भाव 71 हजारांच्या पुढे जात असताना, चांदीचा भावही 90 हजारांच्या आसपास आहे. गेल्या आठवड्याच्या शेवटच्या व्यवहाराच्या दिवशी म्हणजे शुक्रवारी दोन्ही धातूंच्या किमतीत घसरण नोंदवण्यात आली.
या आठवड्यात सोन्या-चांदीच्या दरात घसरण नोंदवण्यात आली. गेल्या आठवड्यात म्हणजेच 2 जून रोजी सोन्याचा भाव 71,890 रुपये प्रति दहा ग्रॅम होता, जो आज (9 जून) 71,420 रुपये प्रति दहा ग्रॅमवर आला आहे.तर चांदीची किंमत 2 जून रोजी 91,930 रुपये प्रति किलो होती, जी आता 89,210 रुपये प्रति किलो झाली आहे. म्हणजेच या काळात चांदीचा भाव 2720 रुपयांनी कमी झाला आहे.
MCX वर सोने-चांदीचे दर
शुक्रवारी मल्टी कमोडिटी एक्सचेंजमध्ये सोने 0.02 टक्क्यांनी म्हणजेच 12 रुपयांच्या घसरणीसह 71,341 रुपये प्रति दहा ग्रॅमवर बंद झाले. तर चांदीचा भाव 0.23 टक्क्यांनी घसरून 201 रुपये प्रति किलो 88,888 रुपयांवर बंद झाला.
जळगावातील दर :
आंतरराष्ट्रीय जगतात शुक्रवारी डॉलरच्या किमतीत घसरण झाल्याचा परिणाम शनिवारी सोन्याच्या दरावर झाला. सोने एका दिवसात प्रतितोळा 1200 रुपयांनी घसरले. जळगावात शुक्रवारी सोन्याचे प्रतितोळ्याचे दर 72,700 रुपये होते; परंतु शनिवारी सोन्याचे दर 1200 रुपयांनी खाली येऊन 71,500 रुपये झाले आहेत.
