जळगाव लाईव्ह न्यूज । ८ जुलै २०२४ । सोने आणि चांदीने ग्राहकांना पुन्हा झटका दिला आहे. गेल्या आठवड्यात सोने चांदीने दरवाढीने जून महिन्यातील सर्व कसरच जुलैच्या पहिल्या सत्रात भरुन काढली. जून महिन्यात दोन्ही धातूंमध्ये घसरण झाल्याने दिलासा मिळाला होता. मात्र आता सोने-चांदीने दणका दिला.
गेल्या काही दिवसांपासून सोन्याचा दरात सातत्याने वाढ होताना दिसत आहे. जळगाव सुवर्ण नगरीत जुलै महिन्याच्या शनिवारी संपलेल्या पहिल्या आठवड्यात सोने प्रति तोळा १३५० रुपयांनी तर चांदी २ हजार रुपयांनी महागली आहे. यामुळे लग्नसराईला दागिने खरेदी करणाऱ्यांना झटका बसला आहे.
जळगावात २२ कॅरेट सोन्याचा १० ग्रॅम दर विनाजीएसटी ६७,४१८ रुपये इतका आहे. तर २४ कॅरेट १० ग्रॅम दर विनाजीएसटी ७३,६०० रुपयावर पोहोचला आहे. दुसरीकडे चांदीचा एक किलोचा दर ९१ हजार रुपयांवर पोहोचला आहे. दिवाळीत सोने-चांदीच्या दरात वाढ होण्याचे संकेत जाणकारांनी दिले आहे. त्यानुसार दोन्हींमध्ये दरवाढीला सुरुवात झाली आहे.
